સિદ્ધાર્થ મલ્હોત્રા કામ કરતાં વધુ આ દિવસોમાં કિયારા અડવાણી સાથેના લગ્નના સમાચારોને લઈને ઘણી ચર્ચામાં છે. હવે અભિનેતાએ પોતાના લગ્નની અફવાઓ પર મૌન તોડ્યું છે.
બોલિવૂડ એક્ટર સિદ્ધાર્થ મલ્હોત્રા તેની આગામી ફિલ્મ મિશન મજનૂને લઈને ચર્ચામાં છે. આમાં તે સાઉથની અભિનેત્રી રશ્મિકા મંદાના સાથે જોવા મળશે. આ દિવસોમાં સિદ્ધાર્થ પોતાની ફિલ્મના પ્રમોશનમાં વ્યસ્ત છે. આ સિવાય અભિનેતા રૂમર્ડ ગર્લફ્રેન્ડ કિયારા અડવાણી સાથેના લગ્નને લઈને પણ ચર્ચામાં બનેલો છે. બંનેના વેડિંગ ફંક્શનની તારીખોથી લઈને વેન્યૂ સુધીની માહિતી સામે આવી છે. હવે આ અહેવાલો પર સિદ્ધાર્થ મલ્હોત્રાએ પ્રતિક્રિયા આપી છે.
GOODTiMES સાથેની મુલાકાત દરમિયાન, સિદ્ધાર્થ મલ્હોત્રાએ કિયારા અડવાણી સાથેના તેના લગ્નના સમાચાર પર તેની પ્રતિક્રિયા આપી છે. તેણે કહ્યું, ' કોઈએ ઈન્વાઈટ ના કર્યો મને લગ્નમાં. મેં બધી વિગતો વાંચી છે, પછી મને જાતે જ તપાસ કરી કે શું હું લગ્ન કરવા જઈ રહ્યો છું. આ પછી તેણે કહ્યું કે તે ઈચ્છે છે કે લોકો તેની ફિલ્મો પર ધ્યાન આપે.
થોડા દિવસો પહેલા E-Times ને સૂત્રએ જણાવ્યું હતું કે 'સિદ્ધાર્થ મલ્હોત્રા અને કિયારા અડવાણી 6 ફેબ્રુઆરીએ લગ્ન કરવા જઈ રહ્યા છે. આ કપલના પ્રી-વેડિંગ ફંક્શન્સ 4 અને 5 ફેબ્રુઆરીના રોજ યોજાશે, જેમાં મહેમાનો વચ્ચે મહેંદી, હલ્દી અને સંગીત જેવા ફંક્શન થશે. 6 ફેબ્રુઆરીએ જેસલમેર પેલેસ હોટલમાં બંને સાત ફેરા લેશે. કડક સુરક્ષા વચ્ચે આ એક શાનદાર ઈવેન્ટ હશે.
જણાવી દઈએ કે સિદ્ધાર્થ મલ્હોત્રાની ફિલ્મ મિશન મજનૂમાં તે જાસૂસના રોલમાં જોવા મળશે. આ ફિલ્મ 20 જાન્યુઆરી, 2023ના રોજ નેટફ્લિક્સ પર રીલિઝ થશે. અગાઉ તે થેંક ગોડ ફિલ્મમાં જોવા મળ્યો હતો, જેમાં તેણે અજય દેવગન અને રકુલ પ્રીત સિંહ સાથે કામ કર્યું હતું.
સિદ્ધાર્થ મલ્હોત્રા ફિલ્મ ઈન્ડસ્ટ્રીમાં 10 વર્ષથી એક્ટિવ છે. તેણે વર્ષ 2012માં ફિલ્મ સ્ટુડન્ટ ઓફ ધ યરથી પોતાના કરિયરની શરૂઆત કરી હતી. 'મિશન મજનૂ' બાદ સિદ્ધાર્થ મલ્હોત્રા એક્શન ફિલ્મ યોદ્ધામાં જોવા મળશે. તો તેની વેબ સીરિઝ ઇન્ડિયન પોલીસ ફોર્સ પણ પાઇપલાઇનમાં છે, જેનું નિર્દેશન રોહિત શેટ્ટી કરી રહ્યા છે.
15.jpg)
