બૉલિવુડ એક્ટર સની દેઓલ પોતાની ફિલ્મ ‘ગદર 2’ના કારણે લાઇમલાઇટમાં રહ્યા. 22 વર્ષ બાદ આવેલી આ સિક્વલ ફિલ્મે બોક્સ ઓફિસ પર શાનદાર કમાણી કરી નાખી હતી. સની દેઓલે પોતાના પરિવાર અને આખી ટીમ સાથે મળીને ‘ગદર 2’નું સેલિબ્રેશન મનાવ્યું હતું. તો હવે તેમના પિતા અને ઇન્ડસ્ટ્રીના દિગ્ગજ એક્ટર ધર્મેન્દ્રને લઈને એક મોટા સમાચાર સામે આવ્યા છે. મીડિયા રિપોર્ટ્સ મુજબ, સની દેઓલ પોતાના 87 વર્ષીય પિતાને લઈને અમેરિકા પહોંચ્યા છે.
કહેવામાં આવી રહ્યું છે કે મામલો તેમના સ્વાસ્થ્ય અને સારવાર સાથે જોડાયેલો છે. જો કે આ બાબતે દેઓલ પરિવારે સત્તાવાર કંઇ જણાવ્યું નથી. આ સમાચારથી ધર્મેન્દ્રના ફેન્સ ચિંતામાં આવી ગયા છે. સની દેઓલે થોડા દિવસ અગાઉ જ રાજનીતિ છોડીને એક્ટિંગ કરિયર પર ફોકસ કરવાનો નિર્ણય લીધો છે. તો એક્ટિંગ સાથે સાથે હવે તેઓ પોતાના પરિવાર પર વધુ ધ્યાન આપી રહ્યા છે. એક અંગ્રેજી અખબારના રિપોર્ટ મુજબ, સની દેઓલ પોતાના 87 વર્ષીય પિતા ધર્મેન્દ્રની સારવાર માટે અમેરિકા પહોંચ્યા છે.
આ રિપોર્ટમાં જણાવવામાં આવ્યું છે કે ધર્મેન્દ્રને ઉંમર સંબંધિત સમસ્યાઓ થઈ રહી હતી. જેની સારવાર માટે તેમણે અમેરિકા જવાનો નિર્ણય લીધો અને દીકરા સની દેઓલ સાથે નીકળી ગયા. કહેવામાં આવી રહ્યું છે કે ધર્મેન્દ્ર અને સની દેઓલ લગભગ 15 થી 20 દિવસ સુધી અમેરિકામાં જ રોકાશે. જો કે, મીડિયા રિપોર્ટ્સમાં જાણકારોના સંદર્ભે જણાવવામાં આવ્યું છે કે ધર્મેન્દ્ર સારા છે અને ફેન્સ માટે ચિંતા કરવાની કોઈ જરૂરિયાત નથી. આ બાબતે અત્યાર સુધી દેઓલ પરિવાર તરફથી કોઈ સ્ટેટમેન્ટ આવ્યું નથી.
વર્કફ્રન્ટની વાત કરીએ તો ધર્મેન્દ્ર હાલમાં જ રીલિઝ થયેલી ફિલ્મ ‘રોકી ઔર રાની કી પ્રેમ કહાની’માં નજરે પડ્યા હતા. ફિલ્મમાં રણવીર સિંહ આ આલિયા ભટ્ટે લીડ રોલ કર્યો. તો શાહિદ કપૂર અને કૃતિ સેનનની આગામી ફિલ્મમાં પણ નજરે પડશે. અત્યારે તેનું નામ નક્કી નથી. આ ફિલ્મ આ વર્ષે 7 ડિસેમ્બરે રીલિઝ થશે. સની દેઓલની ‘ગદર 2’ હાલમાં જ 500 કરોડના ક્લબમાં સામેલ થઈ છે. ફિલ્મમાં તારા સિંહ (સની દેઓલ) પોતાના દીકરાને છોડાવવા માટે બોર્ડર પાર જતો રહે છે, ફિલ્મની કહાની વર્ષ 1971 દરમિયાન લાહોરમાં સેટ છે.
15.jpg)
