બાળકો પિત્ઝા ખાવાના ખૂબ શોખીન હોય છે. ત્યારે સુરતમાં ફૂડ વિભાગ દ્વારા પિત્ઝાના નમૂના લેવામાં આવ્યા હતા. પરંતુ સારી એવી બ્રાન્ડના પિત્ઝા ખાવાના શોખિન લોકો માટે ચેતવણી રુપે વિગતો સામે આવી છે. સુરતમાં આરોગ્ય વિભાગ દ્વારા લેવામાં આવેલા ડોમિનો, પિત્ઝા હટ, ગુજ્જ કેફેક, લાપીનોઝ, કે,એસ ચારકોલ સહીતના લેવાયેલા ચીઝ, માયોનીઝના નમૂનાઓ ફેલ થઈ ગયા છે.
જેથી બહાર પિત્ઝા ખાતા પહેલા ચેતી જજો. સુરત આરોગ્ય વિભાગે સપાટો બોલાવતા 40 કિલો અખાદ્ય જથ્થાનો નાશ કર્યો હતો. સુરતના આરોગ્ય વિભાગ દ્વારા કરવામાં આવેલી તપાસમાં બહાર આવ્યું છે કે ચીઝ અને મેયોનીઝની ગુણવત્તા કાયદાકીય ધોરણો પ્રમાણે ન હતી
છેલ્લા કેટલાક સમયથી ગુજરાતમાં આરોગ્ય વિભાગ સક્રીય થઈને કામ કરી રહ્યું છે. ત્યારે જિલ્લાઓ અને મહાનગરોમાં આ ઝૂંબેશ ચાલી રહી છે. જે ઝૂંબેશ અંતર્ગત ફૂડના નમૂના લેવામાં આવી રહ્યા છે. ડોમિનો, પિત્ઝા હટ, ગુજ્જ કેફેક, લાપીનોઝ, કે,એસ ચારકોલ સહીતના લેવાયેલા નમૂનાઓ ફેલ થઈ ગયા છે. અહીં વિવિધ વાનગીઓ બનાવવામાં વપરાતા ચીઝ અને મેયોનીઝના લીધેલા સેમ્પલ ફેલ થયા હતા. આ ફ્રેન્ચાઈઝીમાંથી લગભગ 40 કિલો ચીઝ અને મેયોનીઝનો નાશ કરવામાં આવ્યો છે.
બજારમાં અત્યારે સૌથી વધુ ફૂડ જો ખવાતું હોય તો એ પિત્ઝા છે. તેમાં પણ ફેમિલીના દરેક સભ્યો તેમના બાળકોને લઈને પિત્ઝા ખાવા માટે ચોક્કસથી જતા હોય છે ત્યારે આ સ્થિતિ વચ્ચે તેઓ પિત્ઝા ખાઈને તો આવે છે પરંતુ આ પ્રકારના પિત્ઝા કે જેમાં ચીઝ અને માયોનીઝ અખાદ્ય જોવા મળતા મુશ્કેલી પણ આરોગ્યને લઈને સર્જાઈ શકે છે.
15.jpg)
