સુરતમાં ચોથા માળે રમતી 4 વર્ષીય છોકરી ગેલેરીમાંથી નીચે પટકાઈ, મોત

સુરતમાં વાલીઓ માટે એક લાલબત્તી સમાન એક ઘટના સામે આવી છે. ડિંડોલી વિસ્તારમાં ચોથા માળેથી 4 વર્ષીય છોકરી નીચે પટકાતા મોત થઇ ગયું હતું. છોકરી ઘરની ગેલેરીમાં રમતા-રમતા નીચે પટકાઈ હતી. ત્યારબાદ છોકરીને સારવાર માટે સિવિલ હૉસ્પિટલમાં ખસેડવામાં આવી હતી. જ્યાં સારવાર દરમિયાન તેનું મોત થઇ ગયું હતું. છોકરીના મોતના કારણે પરિવારમાં શોકનું મોજું ફરી વળ્યું છે. છોકરીના પરિવાર મૂળ ઉત્તર પ્રદેશના રહેવાસી છે અને સુરતના ડીંડોલી નવાગામમાં રાહુલ મૌર્ય પરિવાર સાથે રહે છે.

પરિવારમાં પત્ની અને બે દીકરીઓ છે. રાહુલ એડવર્ટાઈઝમેન્ટ કંપનીમાં કામ કરે છે. ગઈ કાલે 4 વર્ષીય દીકરી અંકિતા, પોતાની નાની બહેન સાથે ઘરના ચોથા માળ પર રમી રહી હતી અને માતા બીમાર હોવાથી રૂમમાં આરામ કરી રહી હતી. પિતા રસોડામાં રસોઈ બનાવી રહ્યો હતો. આ દરમિયાન અંકિતા આવી અને એક પૂરી લઈને ફરી ગેલેરીમાં રમવા જતી રહી. ત્યારબાદ અંકિતા રમતા રમતા ચોથા માળેથી નીચે પટકાઈ ગઇ હતી. દીકરીનો અવાજ સાંભળીને પિતા દોડી આવ્યો.

ત્યારબાદ અંકિતાને ગંભીર હાલતમાં હૉસ્પિટલે લઈ જવામાં આવી. જ્યાં સારવાર દરમિયાન અંકિતાનું મોત થઈ ગયું હતું. મોટી દીકરીનું મોત થવાથી પરિવારમાં શોકનું મોજું ફરી વળ્યું છે. આ ઘટના વાલીઓ માટે લાલબત્તી સમાન છે. છેલ્લા કેટલાક દિવસોથી બાળકો રમતા રમત પટકાઈ રહ્યા છે. થોડા દિવસ અગાઉ એક બાળક રમતા રમતા ગરોડી ચાવી જવાની પણ ઘટના સામે આવી ચૂકી છે. તો વધુ એક બાળક ગેલેરીમાં રમતી વખત જમીન પર પટકાઈ જતા મોત થઈ ગયું છે.

થોડા દિવસ અગાઉ પણ સુરતથી એવી જ એક ઘટના સામે આવી હતી. સુરતના પલસાણા વિસ્તારમાં પહેલા માળેથી 2 વર્ષીય બાળક પટકાયું હતું. મહાદેવ સોસાયટીમાં પહેલા માળે બાળક રમતું હતું, ત્યારે તે અચાનક જ નીચે પટકાયું હતું. બાળક રમતા-રમતા નીચે પટકાયું હતું. જેના કારણે બાળકને માથાના ભાગે ગંભીર ઇજાઓ થઇ હતી. ઘટનાના કારણે પરિવારજનો અને આસપાસના લોકો ભેગા થઇ ગયા હતા અને બાળકને તાત્કાલિક સિવિલ હૉસ્પિટલ ખસેડવામાં આવ્યો હતો. જ્યાં સારવાર દરમિયાન બાળકનું મોત થઇ ગયું હતું.

Related Posts

Top News

શશી થરૂર સરકારના લાડકા કેમ બની ગયા છે?

ઓપરેશન સિંદુરમાં ભારતે પાકિસ્તાન સાથે શું કર્યું તેની વાત દુનિયાના દેશો સુધી પહોંચાડવા માટે કેન્દ્ર સરકાર સર્વપક્ષીસ સાંસદોની ટીમ બનાવી...
Politics 
શશી થરૂર સરકારના લાડકા કેમ બની ગયા છે?

સેહવાગે IPLમાં ફ્લોપ ચાલી રહેલા રિષભ પંતને ધોની પાસેથી સલાહ લેવા કહ્યું

IPLના ઇતિહાસનો સૌથી મોંઘો ખેલાડી. આટલો વિસ્ફોટક ખેલાડી જેના માટે લખનઉ સુપર જાયન્ટ્સે 27 કરોડ રૂપિયાની બોલી લગાવી. ટીમ...
Sports 
સેહવાગે IPLમાં ફ્લોપ ચાલી રહેલા રિષભ પંતને ધોની પાસેથી સલાહ લેવા કહ્યું

મમતા બેનર્જીએ જણાવ્યું- યૂસુફ પઠાણને પાકિસ્તાનની પોલ ખોલનારી ટીમમાં કેમ નહીં મોકલે TMC?

પાકિસ્તાનની કરતૂતોનો પર્દાફાશ કરવા માટે સરકાર તરફથી વિવિધ દેશોમાં મોકલવામાં આવનાર ઓલ પાર્ટી ડેલિગેશનને લઈને એક નવો વિવાદ શરૂ થઈ...
National  Politics 
મમતા બેનર્જીએ જણાવ્યું- યૂસુફ પઠાણને પાકિસ્તાનની પોલ ખોલનારી ટીમમાં કેમ નહીં મોકલે TMC?

અંબાલાલ પટેલની આગાહી, 20થી 24 મે વચ્ચે વાવાઝોડું આવી રહ્યું છે

ગુજરાતના હવામાનના જાણકાર અંબાલાલ પટેલે મે મહિનામાં ઘણી બધી બાબતોની આગાહી કરી છે. તેમણે કહ્યું કે, 24-25મેના દિવસે રોહિણી...
Gujarat 
અંબાલાલ પટેલની આગાહી, 20થી 24 મે વચ્ચે વાવાઝોડું આવી રહ્યું છે
Copyright (c) Khabarchhe All Rights Reserved.