હાલમાં બોર્ડની પરીક્ષા ચાલી રહી છે. ત્યારે વિદ્યાર્થીઓ પરીક્ષા સેન્ટર પર સમયસર પહોંચે તે માટે સુરત પોલીસ વિદ્યાર્થીઓની મદદ આવી છે. સુરતમાં ધો. 10ની વિદ્યાર્થિનીને તેમનો ભાઇ મોટર સાઇકલ પર બેસાડી ભૂલથી લોકેશન આધારે તેમને ખોટા સ્થળ પર ઉતારી જતો રહ્યો હતો. જેથી વિદ્યાર્થિનીએ પરીક્ષા બંદોબસ્તમાં રહેલા પોલીસ પાસે મદદ માંગતા પોલીસ તમને મોટર સાઇકલ પર બેસાડી પરીક્ષા સેન્ટર પર પહોંચાડી દીધી હતી.
હાલમાં બોર્ડની પરીક્ષા ચાલી રહી છે ત્યારે સુરતમાં ધો. 10 વિદ્યાર્થિની યાસ્મીન ખાટુન નાસીર શૈખ જેનું પરીક્ષા સેન્ટર શ્રી સરસ્વતી હિંદી વિદ્યાભવન, વડોદ, ભેસ્તાન ખાતે આવેલ હતું. પરંતુ તેનો ભાઇ તેમને ગુગુલ લોકેશનના આધારે ભૂલથી ખોટા પરીક્ષા સ્થળ પર ઉતારી જતો રહ્યો હતો. જેથી યાસ્મીનને સ્થળ જુદુ હોવાનું જણાતા તેમણે નવસર્જન વિદ્યાલય, ગુ.હા.બોર્ડ, પાંડેસરા ખાતે પરીક્ષા બંદોબસ્તમાં હાજર પોલીસ હેડ કોન્સ્ટેબલ સંદિપભાઇ ગોવિંદભાઇ પાંડદીયા ને (પાંડેસરા પોલીસ સ્ટેશન) જાણ કરી જેથી પોલીસ કર્મચારી યાસ્મીનને પોતાનું પરીક્ષા સેન્ટર શ્રી સરસ્વતી હિંદી વિદ્યાભવન, વડોદ, ભેસ્તાન ખાતે ખાતે સમયસર પહોંચાડી દીધી હતી.
નવસર્જન વિદ્યાલય પાંડેસરા ખાતે હાજર પોલીસ હેડ કોન્સ્ટેબલ સંદિપભાઇ ગોવિંદભાઇ પાંડદીયાએ જણાવ્યું હતું કે, એક વિદ્યાર્થિની યાસ્મીન ખાટુન નાસીર શૈખ જે તેમની પાસે મદદ માંગીને જણાવ્યું કે કે તેમનો ભાઇ ભૂલથી લોકેશનના આધારે ખોટા પરીક્ષા સ્થળ પર ઉતારી જતો રહ્યો છે. મારે શ્રી સરસ્વતી હિંદી વિદ્યાભવન, વડોદ, ભેસ્તાન ખાતે પહોંચવાનું છે તેથી મેં તેમને પરીક્ષા ચાલુ થવામાં 15 મિનિટનો સમય બાકી હતો અને પરીક્ષા સેન્ટર પર પહોંચાડી દીધી હતી.
