દુનિયાની સૌથી મોટી ડાયમંડ માઇન કંપની ડી બીયર્સે ગ્રાહકોનો વિશ્વાસ જળવાઇ રહે અને ડાયમંડના ઉદ્યોગમાં પારદર્શિતા વધે તેના માટે ડાયમંડ પ્રુફ ડીવાઇસ લોંચ કર્યું છે અને અત્યારે અમેરિકાના પસંદગીના સ્ટોરમાં આ મશીન રાખવામાં આવ્યું છે.
હીરાઉદ્યોગમાં બે પ્રકારના ડાયમંડ હોય છે એક જે કુદરતી રીતે ધરતીના પેટાળમાંથી નિકળે છે અને બીજો લેબોરેટરીમાં તૈયાર થતો ડાયમંડ જેને લેબગ્રોન ડાયમંડ કહેવામાં આવે છે. નેચરલ ડાયમંડની વેલ્યુ વધારે હોય છે. ગ્રાહકો જયારે ખરીદી કરે છે ત્યારે તેમને મુંઝવણ હોય છે કે નેચરલ ડાયમંડ છે કે લેબગ્રોન ડાયમંડ. આ મશીન ગ્રાહકોને બતાવી દેશે કે કયો ડાયમંડ છે. ડી બીયર્સે કહ્યું છે કે, અમેરિકાની સફળતા પછી આવતા વર્ષે બીજા દેશોમાં પણ આ ડાયમંડ પ્રુફ ડીવાઇસ લોંચ કરવામાં આવશે. મતલબ કે ભારતમાં આવતા વષે આ ડીવાઇસ આવશે.
