ચિંતાજનક: 12 વર્ષના છોકરાએ 6 વર્ષના માસૂમ બાળકની હત્યા કરી નાંખી, કારણ પણ કેવું?

ઉત્તરપ્રદેશના રામપુરથી એક ચોંકાવનારો અને ચિંતાજનક કિસ્સો સામે આવ્યો છે. 12 વર્ષના છોકરાએ માત્ર 6 વર્ષની વયના માસૂમ બાળકની હત્યા કરી નાંખી છે. બંને મિત્રો હતા અને અડોશ-પડોશમાં રહેતા હતા.માત્ર 12 વર્ષની વયે કોઇ બાળકની અંદર આટલું ખુન્નસ કેવી રીતે આવી શકે કે માસૂમ બાળકની હત્યા કરી નાંખે? આ એક ચિંતાજનક વાત છે, કારણકે પોલીસને બાળક પાસેથી જે જાણવા મળ્યું છે તે પણ ચિંતા ઉભું કરનારું છે. બાળકે હત્યાનો ગુનો કબુલી લીધો છે. જેની હત્યા કરવામાં આવી છે તે 6 વર્ષનો માસૂમ તેના પરિવારનો એકનો એક દીકરો હતો.

રામપુરમાં રહેતા યોગેન્દ્ર યાદવના 6 વર્ષના પુત્ર યુગ યાદવનીની પડોશમાં રહેતા 12 વર્ષના છોકરાએ હત્યા કરી નાંખવાની ઘટનાએ આખા વિસ્તારમાં ચકચાર મચાવી છે. યુગ પરિવારનો એકનો એક પુત્ર હતો અને જ્યારે પુત્રની હત્યાના સમાચાર મળ્યા ત્યારે પરિવાર હેબતાઇ ગયો છે.

પોલીસને હત્યારાની કડી આ રીતે મળી હતી. ગુનો કર્યા બાદ એ 12 વર્ષનો છોકરો ઘર તરફ ભાગ્યો હતો એ દરમિયાન તેણે સામેથી એક મહિલા કોન્સ્ટેબલને આવતા જોઇ હતી. એ છોકરાએ મહિલા કોન્સ્ટેબલને યુગ યાદવના લોહીથી ખરડાયેલા કપડા પડ્યા હોવાની માહિતી આપી હતી. મહિલા કોન્સ્ટેબલે ઘટના સ્થળે જોયું તો એક બળકનો મૃતદેહ માથું ચગદાઇ ગયેલી હાલતમાં પડ્યો હતો. મહિલા કોન્સ્ટેબલે પોલીસ સ્ટેશનમાં જાણ કરી અને પોલીસનો કાફલો ઘટના સ્થળે આવી ગયો હતો.

પોલીસને એ 12 વર્ષના છોકરા પર શંકા  ગઇ હતી એટલે તેની પુછપરછ કરી તો શરૂઆતમાં પોલીસને ગોળ ગોળ ફેરવી હતી, પરંતુ પછી ભાંગી પડ્યો હતો અને ગુનો કબુલી લીધો હતો. પોલીસે કહ્યું કે આ હત્યા કરનારો 12 વર્ષનો બાળક શરાબ અને સિગરેટનો વ્યસની છે. તેણે પોલીસને કહ્યું કે, યુગ મને છેલ્લાં કેટલાંક દિવસોથી અપશબ્દો બોલી રહ્યો હતો એટલે ગુસ્સામાં આવીને મેં તેના માથા પર ઇંટ મારીને મારી નાંખ્યો હતો.

પોલીસે બાળકની ધરપકડ કરી લીધી છે અને આગળની કાર્યવાગી ચાલી રહી છે.

યુગના પિતાએ કહ્યું કે, યુગ અમારો એકનો એક દીકરો હતો અને હજુ થોડા દિવસ પહેલાં જ તેને શાળામાં મુક્યો હતો. યુગ છેલ્લાં 1-2 કલાકથી મળતો નહોતો, અમે શોધ્યો તો અમને લાશ મળી છે.

Top News

કઈ કંપનીઓ સૌથી વધુ ડિવિડન્ડ આપે છે?

શેરબજારમાં ભારે ઘટાડાના સમયગાળા દરમિયાન પણ કેટલીક કંપનીઓ શાનદાર ડિવિડન્ડ આપે છે. કેટલીક કંપનીઓ તો તેમના શેરધારકોને બેંકના વ્યાજ કરતાં...
Business 
કઈ કંપનીઓ સૌથી વધુ ડિવિડન્ડ આપે છે?

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 22-05-2025 દિવસ: ગુરુવાર મેષ: માનસિક સ્વાસ્થ્ય ખુબ સારું રહેશે. નોકરી ધંધામાં સારા સમાચાર મળે. માતા પિતાનું આરોગ્ય જળવાઈ તથા...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

પોઈન્ટ ટેબલમાં છેલ્લા સ્થાન CSK, કોચે કહ્યું- અમે આને લાયક જ છીએ

આ વર્ષે ઇન્ડિયન પ્રીમિયર લીગમાં ચેન્નઈ સુપર કિંગ્સનું પ્રદર્શન ખૂબ જ ખરાબ રહ્યું. ધોનીની ટીમ આ સિઝનમાં 13 મેચમાંથી ફક્ત...
Sports 
પોઈન્ટ ટેબલમાં છેલ્લા સ્થાન CSK, કોચે કહ્યું- અમે આને લાયક જ છીએ

લગ્નજીવનનું સંતુલિત સમીકરણ...બીજાના પ્રેમને જોઈને એવું લાગે છે કે તે ખૂબ નસીબદાર છે

(ઉત્કર્ષ પટેલ) જ્યારે તમે વર્ષો પછી પણ એકબીજાને ઊંડો પ્રેમ કરતાં દંપતીને સુખી જીવન જીવતાં જોવો ત્યારે એવું...
Lifestyle 
લગ્નજીવનનું સંતુલિત સમીકરણ...બીજાના પ્રેમને જોઈને એવું લાગે છે કે તે ખૂબ નસીબદાર છે
Copyright (c) Khabarchhe All Rights Reserved.