ભોજપુરી સ્ટાર અને ભાજપના સાંસદ રવિ કિશન હાલમાં પોતાના નિવેદનને કારણે ચર્ચામાં છે. જ્યાં ચોમાસું સત્રમાં દરેક જરૂરી મુદ્દાઓ પર વાત કરી રહ્યું છે, તો રવિ કિશને ખાદ્ય પદાર્થોની કિંમત પર વાત કરતા સમોસાની સાઇઝ અને ગુણવત્તા પર સવાલ ઉઠાવ્યા હતા. તેના માટે તેમની ખૂબ નિંદા થઈ રહી છે અને તેમનો વીડિયો પણ ઝડપથી વાયરલ થઈ રહ્યો છે. નેહા સિંહ રાઠોડે પણ તેને લઈને પોતાનો વીડિયો શેર કર્યો હતો અને કટાક્ષ કર્યો.
નેહાએ પોતાનો વીડિયો શેર કરતા લખ્યું હતું કે, ‘દેશની સમસ્યાઓથી દૂર રહેનારા સાંસદો દેશ પર બોજ છે.’ નેહાની પોસ્ટ પર કેટલાક લોકોએ હંમેશાંની જેમ તેને ટ્રોલ કરી છે, જ્યારે કેટલાકે રવિ કિશનના મુદ્દાને વાહિયાત ગણાવ્યો છે. સુખદેવ નામના યુઝરે એક તસવીર શેર કરી, જેમાં વડાપ્રધાન નરેન્દ્ર મોદીનું કેરિકેચર બનાવવામાં આવ્યું છે અને લખ્યું હતું કે, ‘સાંસદ રવિ કિશનજીએ સંસદમાં સમોસાનો મુદ્દો ઉઠાવ્યો હતો. આ દેશની ગંભીર સમસ્યા છે, તેની ઊંડાણપૂર્વક ચર્ચાની જરૂરિયાત છે.’
શું બોલ્યા રવિ કિશન?
રવિ કિશન વીડિયોમાં કહી રહ્યા છે કે સમોસા ક્યાંક મોટા મળે છે, ક્યાંક નાના મળે છે. આટલો મોટો બજાર છે, કરોડો ગ્રાહક છે. 11 વર્ષમાં વડાપ્રધાન નરેન્દ્ર મોદીએ ઘણા ક્રાંતિકારી બદલાવ કર્યા છે, પરંતુ આ ક્ષેત્ર હજી અછૂતો છે. એવામાં, નાના ઢાબાથી લઈને મોટી હોટલો સુધી ઉપલબ્ધ ખાદ્ય પદાર્થોની કિંમત અને ગુણવત્તા અંગે કાયદો બનાવવો જોઈએ. એક જગ્યાએ સમોસા નાના હોય છે, બીજી જગ્યાએ મોટા હોય છે, અને કિંમતો પણ અલગ-અલગ હોય છે. તેમણે કહ્યું કે મેનુમાં માત્રા અને ઉપયોગ થનારા તેલનો પણ ઉલ્લેખ થવો જોઈએ.
તેમનો મુદ્દો ખોટો નહોતો, પરંતુ ઉદાહરણ ખોટું થઈ ગયું. જેની એક નાની ક્લિપ વાયરલ થઈ રહી છે. જેમાં તેઓ કહી રહ્યા છે કે, ‘રસ્તાના કિનારે ઢાબા પર સમોસાની એક કિંમત હોય છે અને હોટલમાં એકદમ અલગ, સમોસાની સાઇઝ પણ અલગ હોય છે. તેવી જ રીતે, દાળ તડકા ક્યાંક 100 રૂપિયામાં,ક્યાંક 120 રૂપિયામાં અને કેટલીક હોટલોમાં 1000 રૂપિયા સુધીમાં ઉપલબ્ધ છે.’
15.jpg)
