રક્ષા મંત્રાલયમાં તૈનાત લેફ્ટનન્ટ કર્નલના ઘરેથી CBIએ 2.36 કરોડ રોકડા જપ્ત કર્યા, પત્ની પાસે પણ...

CBIએ લાંચખોરીના આરોપમાં લેફ્ટિનેન્ટ કર્નલ દીપક કુમાર શર્મા સહિત 2 વ્યક્તિઓની ધરપકડ કરી છે. લેફ્ટિનેન્ટ કર્નલ શર્મા રક્ષા મંત્રાલય હેઠળના રક્ષા ઉત્પાદન વિભાગમાં તૈનાત છે. તેમના પર બેંગલુરુ સ્થિત એક કંપની પાસેથી 3 લાખ રૂપિયાની લાંચ લેવાનો આરોપ છે. વિશ્વસનીય સૂત્ર પાસેથી મળેલી માહિતીના આધારે આ કેસ નોંધવામાં આવ્યો હતો. આરોપીઓમાં લેફ્ટિનેન્ટ કર્નલ દીપક કુમાર શર્મા, તેમની પત્ની કર્નલ કાજલ બાલી અને અન્ય લોકોનો સમાવેશ થાય છે. આરોપીઓમાં દુબઈ સ્થિત એક કંપની પણ સામેલ છે. બધા પર ગુનાહિત કાવતરું, લાંચ વગેરેના આરોપ લગાવવામાં આવ્યો છે.

આરોપ છે કે લેફ્ટિનેન્ટ કર્નલ દીપક કુમાર શર્મા રક્ષા ઉત્પાદનોના નિર્માણ અને નિકાસમાં સામેલ વિવિધ ખાનગી કંપનીઓના પ્રતિનિધિઓ સાથે ગુનાહિત હાવતરા હેઠળ નિયમિતપણે ભ્રષ્ટ અને ગેરકાયદેસર ગતિવિધિઓમાં સંડોવાયેલા હતા. તેમણે આ કંપનીઓને અનુચિત લાભ પહોંચાડવાના લાંચ/અનુચિત લાભ મેળવ્યા હતા.

એવો પણ આરોપ છે કે રાજીવ યાદવ અને રવજીત સિંહ આરોપી કંપનીના ભારત સ્થિત કાર્યોનું સંચાલન કરી રહ્યા હતા અને બેંગલુરુમાં રહે છે. તેઓ સતત લેફ્ટિનેન્ટ કર્નલ દીપક કુમાર શર્માના સંપર્કમાં હતા અને તેમની સાથે મળીને વિવિધ સરકારી વિભાગો અને મંત્રાલયો પાસેથી ગેરકાયદેસર રીતે તેમની કંપની માટે અનુચિત લાભ મેળવવાનો પ્રયાસ કરી રહ્યા હતા. 18 ડિસેમ્બરના રોજ કંપનીના નિર્દેશ પર, વિનોદ કુમારે લેફ્ટિનેન્ટ કર્નલ દીપક કુમાર શર્માને 3 લાખ રૂપિયાની લાંચ આપી.

આ કેસના સંદર્ભમાં શ્રી ગંગાનગર, બેંગલુરુ, જમ્મુ અને અન્ય સ્થળોએ તપાસ અભિયાન હાથ ધરવામાં આવી રહ્યું છે. દિલ્હીમાં લેફ્ટિનેન્ટ કર્નલ દીપક કુમાર શર્માના નિવાસસ્થાનમાંથી 3 લાખ રૂપિયાની લાંચની રકમ, 2.23 લાખ રૂપિયા રોકડ મળી આવી હતી. આ ઉપરાંત, શ્રી ગંગાનગરમાં સ્થિત આરોપીના ઘરેથી 10 લાખ રૂપિયા રોકડ અને અન્ય ગુનાહિત સામગ્રી જપ્ત કરવામાં આવી હતી. નવી દિલ્હીમાં લેફ્ટિનેન્ટ કર્નલ દીપક કુમાર શર્માના કાર્યાલય પરિસરમાં અત્યારે પણ તપાસ હાથ ધરવામાં આવી રહી છે.