થલાપતિ વિજયે તમિલનાડુમાં ગજબનું પ્રદર્શન કર્યું છે. એકદમ નવું બનેલું આ રાજકીય પક્ષ તમિલગા વેત્રી કઝગમ (TVK)ના નેતા, તેમણે શાસક DMK અને AIADMK બંનેને પાછળ છોડી દીધા છે. તેમની પહેલી જ ચૂંટણીમાં તેમના શાનદાર પ્રદર્શનથી, વિજયે MGR અને NTRની યાદ અપાવી દીધી.
એક્ઝિટ પોલમાં તમિલનાડુમાં ત્રિશંકુ વિધાનસભાની આગાહી કરવામાં આવી હતી, અને વલણોમાં પણ એ જ પ્રકારના પરિણામ આવી રહ્યા છે. ખરાબ સમાચાર DMK અને CM MK સ્ટાલિન માટે છે, જેમના તમામ ચૂંટણી દાવપેચ નિષ્ફળ ગયા છે. બરાબર મતદાન પહેલાં જ, DMKએ બે વાર તેની પ્રચાર વ્યૂહરચના બદલી, પ્રથમ સીમાંકનને ચૂંટણી મુદ્દો બનાવીને, અને ત્યાર પછી બિલની હારને CM MK સ્ટાલિનની જીત તરીકે રજૂ કરીને.
મોટાભાગના એક્ઝિટ પોલમાં વિજયની પાર્ટી, TVKને કિંગમેકર તરીકે રજૂ કરવામાં આવી હતી, પરંતુ તેને ત્રીજા સ્થાને રાખવામાં આવી હતી. ફક્ત એક્સિસ માય ઇન્ડિયાના એક્ઝિટ પોલે વિજયને બહુમતની નજીક અથવા ખુબ મોટી બહુમતી મેળવવાનો અંદાજ લગાવ્યો હતો.
TVK નેતા થલાપતિ વિજય પહેલાથી જ વલણોમાં 100થી વધુ બેઠકો મેળવી ચૂક્યા છે. આશ્ચર્યજનક વાત તો એ છે કે, શાસક DMK સૌથી પાછળ પડી ગઈ છે. ખુદ CM MK સ્ટાલિન પણ કોલાથુર વિધાનસભા મતવિસ્તારમાં TVK ઉમેદવાર VS બાબુથી પાછળ છે.
એક્સિસ માય ઇન્ડિયાના એક્ઝિટ પોલે થલાપતિ વિજયની પાર્ટી, TVK માટે 98થી 120 બેઠકોની આગાહી કરી હતી. અન્ય એક્ઝિટ પોલિંગ એજન્સીઓએ વિજયને 10થી 26 વિધાનસભા બેઠકો જીતવાની આગાહી કરી હતી.
જ્યારે એક્સિસ માય ઇન્ડિયાનો ડેટા વિજયના કિસ્સામાં સચોટ સાબિત તો થયો છે, પરંતુ AIADMK માટેના તેના અંદાજો સંપૂર્ણપણે ખોટા સાબિત થયા હતા. એક્સિસ માય ઇન્ડિયાએ AIADMK માટે 22-32 વિધાનસભા બેઠકોની આગાહી કરી હતી, પરંતુ વલણોમાં તેમણે DMKને પાછળ છોડી દીધું.
એક્સિસ માય ઇન્ડિયાનો એક્ઝિટ પોલ વિજય માટે અથવા તો CM MK સ્ટાલિન માટે સાચો સાબિત થયો હોત. જ્યારે એક્સિસ માય ઇન્ડિયાનો પોલ વિજય માટે સાચો સાબિત થઈ રહ્યો છે, એટલે તે DMK માટે ખોટો સાબિત થયો છે. એક્સિસ માય ઇન્ડિયાએ DMK માટે 92-110 બેઠકોની આગાહી કરી હતી.
વલણોમાં થલાપતિ વિજય હજુ પણ બહુમતીથી ઘણા દૂર છે, પરંતુ તેઓ એ જ રસ્તે આગળ ચાલી રહ્યા છે, કે જયારે MG રામચંદ્રને સફળતા મેળવવા માટે તેને અપનાવ્યો હતો. 1977ની તમિલનાડુની ચૂંટણીમાં MGR તરીકે જાણીતી, MG રામચંદ્રનની પાર્ટી AIADMKને 33.5 ટકા મત મળ્યા હતા. એક્સિસ માય ઈન્ડિયાના એક્ઝિટ પોલ મુજબ, વિજયની પાર્ટી TVKને 35 ટકા મત શેર મેળવવાની ધારણા છે.
AIADMKની રચનાના 5 વર્ષ પછી, MG રામચંદ્રનના ગઠબંધને પહેલી જ ચૂંટણીમાં 144 બેઠકો જીતી હતી, જેમાં તેમની પોતાની પાર્ટીએ એકલા 130 બેઠકો મેળવી હતી, અને એક ફિલ્મ સ્ટારથી MG રામચંદ્રન સીધા તમિલનાડુના CM બન્યા હતા.
અભિનેતામાંથી રાજકારણી બન્યા પછી, વિજય ઝડપથી તે જ માર્ગ પર આગળ વધી રહ્યા છે, પરંતુ આ સફર સરળ પણ નથી, અને હવે જ્યારે બધા પરિણામો બહાર આવી ગયા છે, ત્યારે વિજયના પડકારો વધુ મોટા લાગે છે.
મત ગણતરી શરૂ થાય તે પહેલાં જ, વિજયને તેમના સંભવિત ધારાસભ્યોને એક રાખવાનો પડકાર ઉભો થવા લાગ્યો. પોતાના સલાહકારોની મદદથી, વિજયે સંભવિત ધારાસભ્યોને એક રાખવા માટે એક ચોક્કસ રણનીતિ ઘડી છે. TVK સૂત્રોના જણાવ્યા અનુસાર, થલાપતિ વિજયે તમામ વિજેતા ઉમેદવારોને પરિણામો જાહેર થતાંની સાથે જ સીધા પનૈયુર TVK મુખ્યાલય જવા સૂચના આપી છે.
તમિલનાડુ ચૂંટણી પહેલા, તમિલનાડુ કોંગ્રેસના નેતાઓ TVK સાથે જોડાણની તરફેણમાં દેખાતા હતા, જ્યારે એવા અહેવાલો હતા કે, વિજયને BJP દ્વારા DyCM પદની ઓફર કરવામાં આવી છે. પરંતુ ત્યારે, વિજયે એકલા ચૂંટણી લડવાનો નિર્ણય લીધો હતો, અને તેમનો નિર્ણય સાચો સાબિત થઈ રહ્યો હોય તેવું લાગે છે.
TVK પછી બીજા સ્થાને રહેલી AIADMKએ BJP સાથે ચૂંટણી જોડાણ કર્યું છે, જ્યારે DMKનું પહેલાથી જ કોંગ્રેસ સાથે જોડાણ છે. જો તેઓ બહુમતી મેળવવામાં નિષ્ફળ જાય તો પણ વિજય કિંગમેકર તો રહેશે જ.
વિજયને આટલી સફળતા કેમ મળી રહી છે?: ચૂંટણી પરિણામો જાહેર થાય તે પહેલાં જ, એક્સિસ માય ઇન્ડિયાના વડા પ્રદીપ ગુપ્તાએ વિજયના સંભવિત પ્રદર્શનમાં 1970ના દાયકામાં તમિલનાડુમાં MG રામચંદ્રનની AIADMK અને 1982માં NT રામા રાવની TDPની ચૂંટણીમાં મળેલી સફળતાની ઝલક જોઈ હતી. ગુપ્તાએ પહેલાથી જ તમિલનાડુની ચૂંટણીમાં થલાપતિ વિજય માટે ક્લીન સ્વીપની આગાહી કરી હતી. એક્સિસ માય ઇન્ડિયા અનુસાર, થલાપતિ વિજયને યુવાનો તરફથી સૌથી વધુ સમર્થન મળ્યું હતું. યુવા એટલે, પ્રદીપ ગુપ્તાના મતાનુસાર 18 થી 39 વર્ષની વયના તમિલનાડુના રહેવાસીઓ છે. ગુપ્તાએ એવી પણ આગાહી કરી હતી કે, વિજયની પાર્ટી, TVK, DMKની બરાબર 35 ટકા મત મેળવશે. પ્રદીપ ગુપ્તાએ આગાહી કરી હતી કે, વિજયની સફળતામાં યુવાનો અને મહિલાઓ બંને મહત્વપૂર્ણ ભૂમિકા ભજવશે. એક્સિસ માય ઇન્ડિયાએ આગાહી કરી હતી કે, TVKને 38 ટકા મહિલાના મત અને 32 ટકા પુરુષોના મત મળશે.
