કર્ણાટકના બેલગાવીમાં બસ કંડકટર સાથે મારપીટને ઘટનાને કારણે આંતર રાજ્ય વિવાદ ઉભો થયો છે. ધર્મ, જાતિના નામે તો લડાઇ થાય છે હવે ભાષાના નામે પણ લડાઇ શરૂ થઇ છે.
કર્ણાટક રોડ ટ્રાન્સપોર્ટ કોર્પોરેશનની બસના એક કંડકટર સાથે મારપીટની ઘટના બની છે. કર્ણાટકની બસમાં મહિલાઓ માટે મફતમાં મુસાફરી હોય છે, પરંતુ એક પુરુષ મુસાફરે મફતમાં ટિકીટ માંગી, કંડકટરે ના પાડી તો મુસાફરે કહ્યું, મરાઠી ભાષામાં બોલ. કંડકટરે કહ્યું મને માત્ર કન્નડ ભાષા જ આવડે છે. એમાં ભારે હોબાળો થયો અને 6થી 7 લોકોએ કંડકટર સાથે મારપીટ કરી.એ પછી જ્યારે બસ ઉભી રહી ત્યારે 50 લોકોના ટોળાએ કંડકટર પર હુમલો કર્યો. આ ઘટનાના એવા પડઘા પડ્યા કે, મહારાષ્ટ્ર અને કર્ણાટક વચ્ચે બસ સેવા બંધ કરી દેવામાં આવી.
