ઉત્તર પ્રદેશના કેટલાક વિસ્તારોમાં, ભીષણ ગરમીને કારણે લોકોને ઘણી સમસ્યાઓનો સામનો કરવો પડી રહ્યો છે, જેના કારણે લોકો નવી પરંપરાઓ અપનાવી રહ્યા છે. અહીં તમને જણાવી દઈએ કે, એક તરફ, જ્યાં પૂરે ઘણી જગ્યાએ વિનાશ મચાવ્યો છે, તો બીજી તરફ, મહારાજગંજ જિલ્લામાં, છેલ્લા ઘણા દિવસોથી વરસાદના અભાવે, ગરમીને કારણે સામાન્ય લોકોની હાલત ખરાબ થઇ રહી છે. આવી સ્થિતિમાં, UPના મહારાજગંજનો એક વીડિયો સોશિયલ મીડિયા પર વાયરલ થઈ રહ્યો છે, ઉત્તર પ્રદેશના મહારાજગંજ જિલ્લામાં, છેલ્લા ઘણા દિવસોથી વરસાદના અભાવે, ગરમીને કારણે લોકો ત્રાહિમામ પોકારી ગયા છે, જ્યારે પાકને પણ નુકસાન થઈ રહ્યું છે. જો પરિસ્થિતિ આવી જ રહેશે તો દુષ્કાળ પડશે. આ ભીષણ ગરમીને ધ્યાનમાં રાખીને, નૌતનવા શહેરની મહિલાઓએ એક પારંપરિક નુસખો અપનાવ્યો છે. મહિલાઓ માને છે કે જૂના સમયમાં, એવી પ્રથા હતી કે જો તેમના શહેર કે ગામના વડા અથવા કોઈપણ પ્રતિષ્ઠિત વ્યક્તિને કાદવના પાણીથી સ્નાન કરાવવામાં આવે તો ઇન્દ્રદેવ ખુશ થાય છે અને વરસાદ વરસાવે છે.
આ પ્રથાને સાચી માનીને, નૌતનવા નગરપાલિકાની મહિલાઓ પોતાના ઘરેથી કજરી ગીતો ગાતા ગાતા નગરપાલિકાના પૂર્વ અધ્યક્ષ અને BJP નેતા ગુડ્ડુ ખાનના નિવાસસ્થાને પહોંચી. ત્યાં મહિલાઓએ પૂર્વ અધ્યક્ષના હાથ-પગ દોરડાથી બાંધી દીધા અને તેમને જમીન પર ફેંકી દીધા અને તેમને કાદવ અને પાણીથી સ્નાન કરાવવાનું શરૂ કર્યું. જ્યારે, ત્યાં હાજર અન્ય મહિલાઓ ઇન્દ્રદેવને પ્રસન્ન કરવા માટે ગીતો ગાતી રહી. એવું માનવામાં આવે છે કે આ રીતે ઇન્દ્રદેવ ખુશ થાય છે અને વરસાદ વરસાવે છે.
https://twitter.com/ndtvindia/status/1939362363037344023
તમે ચિત્રોમાં સ્પષ્ટ જોઈ શકો છો કે, કેવી રીતે મહિલાઓ પરંપરાગત કજરી ગીતો ગાઈ રહી છે અને ભૂતપૂર્વ અધ્યક્ષને દોરડાથી બાંધીને કાદવથી સ્નાન કરાવી રહી છે અને BJP નેતા ગુડ્ડુ ખાન ખુશીથી વરસાદ માટે આવું કીચડવાળું સ્નાન કરી રહ્યા છે. BJP નેતા અને ભૂતપૂર્વ અધ્યક્ષ ગુડ્ડુ ખાન માને છે કે જેમ જૂની પરંપરામાં, જ્યારે વરસાદ ન પડતો હતો, ત્યારે ગામલોકો રાજાઓ અને મહારાજાઓને કાદવથી સ્નાન કરાવતા હતા, જેના કારણે ઇન્દ્રદેવ ખુશ થઈને વરસાદ વરસાવતા હતા.
તેવી જ રીતે, મહિલાઓએ તેમને કાદવથી સ્નાન કરાવ્યું. સ્થાનિક નાગરિકો માને છે કે દર વર્ષની જેમ, મહિલાઓએ ગુડ્ડુ ખાનને માટીથી સ્નાન કરાવ્યું છે. દર વર્ષે વરસાદ પડે છે, આ વખતે પણ વરસાદ પડશે તેવી આશા છે.
આ પરંપરા અંગે BJPના નેતા ગુડ્ડુ ખાને કહ્યું કે, ગામમાં સદીઓથી આ પરંપરાનું પાલન કરવામાં આવે છે. પહેલા જ્યારે વરસાદ પડતો ન હતો, ત્યારે રાજાઓ અને મહારાજાઓને આ રીતે પાણી અને માટીથી સ્નાન કરાવવામાં આવતું હતું, જેના કારણે ઇન્દ્રદેવ પ્રસન્ન થતા અને વરસાદ પડતો, જેનાથી લોકોને ગરમીથી રાહત મળતી. તેમણે એમ પણ કહ્યું કે, જો ઇન્દ્રદેવ આ કરવાથી ખુશ થાય છે, તો હું દર વર્ષે આ કરવા તૈયાર છું.
