પવિત્ર કૈલાસ માનસરોવર યાત્રા, જે હિન્દુ, જૈન અને બૌદ્ધ ધર્મના અનુયાયીઓ માટે અત્યંત મહત્વની છે, તે 2025માં પાંચ વર્ષના વિરામ બાદ ફરી શરૂ થવા જઈ રહી છે. આ નિર્ણય ભારત અને ચીન વચ્ચેના તણાવમાં ઘટાડો થયા બાદ લેવામાં આવ્યો છે. ભારતના વિદેશ મંત્રાલયે આ યાત્રા માટે તૈયારીઓ શરૂ કરી દીધી છે અને ટૂંક સમયમાં જાહેરાત કરવામાં આવશે.
આ યાત્રાનું પુનઃ આરંભ ઓક્ટોબર 2024માં કઝાનમાં વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચે થયેલી વાતચીત બાદ શક્ય બન્યું છે. આ બેઠકમાં લદ્દાખના ડેમચોક અને ડેપસાંગ જેવા સંવેદનશીલ વિસ્તારોમાં સૈન્ય પીછેહઠ પર સહમતિ થઈ હતી. ભારત અને ચીન હવે યાત્રા માટેના માર્ગો નક્કી કરવા પર પણ વિચાર કરી રહ્યા છે, જેમાં લિપુલેખ ઉપરાંત ડેમચોક માર્ગનો પણ સમાવેશ થઈ શકે છે.
આ યાત્રા 2025માં ભારત-ચીનના રાજદ્વારી સંબંધોની 75મી વર્ષગાંઠ સાથે જોડાયેલી છે, જે આધ્યાત્મિક અને રાજકીય રીતે મહત્વપૂર્ણ બનાવે છે. માર્ચ 2025માં બેઇજિંગમાં બંને દેશોના વિદેશ મંત્રાલયના અધિકારીઓની બેઠકમાં આ યાત્રાની પ્રગતિની સમીક્ષા કરવામાં આવી હતી. આ યાત્રા ભારતીય પાસપોર્ટ ધારકો માટે ખુલ્લી રહેશે, જેમની ઉંમર 18 થી 70 વર્ષની વચ્ચે હશે.
-ઉંચાઇ
કૈલાસ પર્વત: 6,638 મીટર (21,778 ફૂટ)
-ધાર્મિક મહત્વ
હિન્દુઓ માટે ભગવાન શિવનું નિવાસસ્થાન; જૈન, બૌદ્ધ અને બોન ધર્મ માટે પવિત્ર
-યાત્રા માર્ગ
લિપુલેખ પાસ (ઉત્તરાખંડ), નાથુલા પાસ (સિક્કિમ), અથવા નેપાળ દ્વારા
-યાત્રા અવધિ
સામાન્ય રીતે 14-25 દિવસ, માર્ગ અને આયોજન પર આધારિત
-આયોજક
ભારતનું વિદેશ મંત્રાલય, અન્ય રૂટ માટે ખાનગી ટૂર ઓપરેટર્સ
કોણ જઇ શકે
ભારતીય પાસપોર્ટ ધારકો, ઉંમર 18-70 વર્ષ, શારીરિક રીતે સક્ષમ
પડકાર
ઊંચાઈ, ઠંડુ હવામાન, લાંબી ચડાણ, ચીની વિઝા અને પરમિટની જરૂરિયાત
મુખ્ય આકર્ષણ
કૈલાસ પરિક્રમા (52 કિમી), માનસરોવર તળાવમાં સ્નાન, આધ્યાત્મિક શાંતિ
-copy45.jpg)
-copy39.jpg)
15.jpg)
