સગીરાને કિડનેપ કરી ચાલતી કારમાં ગેંગરેપ, બેદરકારી કરનારા 3 પોલીસકર્મી સસ્પેન્ડ

ઉત્તર પ્રદેશના કુશીનગરમાં કપ્તાનગંજ પોલીસ સ્ટેશનની હદમાં સગીરાનું અપહરણ કરી તેની સાથે ગેંગરેપ કરવાની ઘટના સામે આવી છે. આ મામલામાં પીડિતાના પિતાએ બેવાર પોલીસ સ્ટેશનમાં જઇને ફરિયાદ કરી પણ પોલીસે કેસ દાખલ કર્યો નહીં. ઘટના 9 સપ્ટેમ્બરની છે. આ ઘટનાનો વીડિયો સોશિયલ મીડિયા પર વાયરલ થઇ રહ્યો છે. જેમાં અમુક નરાધમો સગીરાના દુપટ્ટાને પકડીને તેને ખેંચીને કારમાં બેસાડી રહ્યા છે.

વીડિયો વાયરલ થયા પછી કપ્તાનગંજ પોલીસ હરકતમાં આવી અને જલદીમાં કેસ દાખલ કરી 3 આરોપીઓની ધરપકડ કરી લીધી.

કેસ પ્રત્યે બેદરકારી દેખાડનારા 3 પોલીસકર્મી સસ્પેન્ડ

ગેંગરેપ પીડિતાના કેસને ધ્યાનમાં લઇ એસપીએ મોટી કાર્યવાહી કરી છે. આ મામલાને લઇ બેદરકારી દાખવનારા પોલીસ ઈન્ચાર્જ સહિત 3 પોલીસકર્મીને સસ્પેન્ડ કરવામાં આવ્યા છે. આ કાર્યવાહી સોશિયલ મીડિયા પર વાયરલ વીડિયોની ખબર ચાલ્યા પછી કરવામાં આવી છે. પોલીસ ઈન્ચાર્જ પર બે વાર ફરિયાદ કરવા છતાં પણ આરોપીઓ પર કાર્યવાહી ન કરવાને લઇ કપ્તાનગંજ પોલીસ ઈન્ચાર્જ, કોન્સ્ટેબલ અને મહિલા કોન્સ્ટેબલને સસ્પેન્ડ કરી દેવામાં આવ્યા છે.

સગીરાના પિતાએ કહ્યું હતું કે 9 સપ્ટેમ્બરના રોજ બપોરે તેમના ગામમાં રહેતા યુવકે દીકરીને બોલાવી અને ચપ્પુ દેખાડી એક ઝુપડીમાં લઇ જઇ દુષ્કર્મ કર્યું. ત્યાર પછી તેને કારમાં બેસાડી અને હાટા લઇને પહોંચી ગયા. ત્યાં પહેલાથી મોજૂદ 3 અન્ય યુવક કારમાં સવાર થયા. ત્યા પછી ત્રણેય નરાધમોએ ચાલતી કારમાં દુષ્કર્મ કર્યું. મોડી રાતે સગીરાને ગામની બહાર છોડી દીધી અને ફરાર થઇ ગયા.

પીડિતાના પિતાએ કહ્યું કે, દીકરીની આપવીતિ સાંભળ્યા પછી તેમણે પોલીસ સ્ટેશનમાં ફરિયાદ કરી. પણ સુનાવણી થઇ નહીં. ત્યાર બાદ યુવતીનો દુપટ્ટો ખેંચી કારમાં બેસાડવાનો વીડિયો સોશિયલ મીડિયા પર વાયરલ થયો. જેમાં સગીરાનો દુપટ્ટો પકડીને એક યુવક તેને કારમાં બેસાડી રહ્યો છે. કારમાં પહેલાથી જ 2 યુવક બેસેલા હતા. આ વીડિયો વાયરલ થયા પછી પોલીસ હરકતમાં આવી. પહેલા કાર્યવાહી ન કરનારી પોલીસે 3 નામજદ અને એક અજ્ઞાત પર કેસ દાખલ કરતા 3 આરોપીઓની ધરપકડ કરી લીધી.

SSP રિતેશ કુમાર સિંહે જણાવ્યું કે, જાણકારી મળ્યા પછી કેસ દાખલ કરી લેવામાં આવ્યો છે. પોલીસે 3 આરોપીઓની પણ ધરપકડ કરી લીધી છે અને આગળની કાર્યવાહીમાં લાગી છે.

Top News

હવે રાહુલ ગાંધીની પણ ચાપલૂસી શરૂ થઈ

રાહુલ ગાંધીની અત્યાર સુધી કોંગ્રેસ નેતાઓએ ચાપલૂસી કરી હોય તેવી વાત સામે નહોતી આવી, પરંતુ લાગે  છે કે સામાન્ય...
Politics 
હવે રાહુલ ગાંધીની પણ ચાપલૂસી શરૂ થઈ

અરવિંદ કેજરીવાલ અને પ્રશાંત કિશોર બિહારમાં ભાજપના સ્લીપર સેલ

આમ આદમી પાર્ટીના સંયોજક અરવિંદ કેજરીવાલ અને જનસૂરાજ પાર્ટીના નેતા પ્રશાંત કિશોર એક જ રસ્તાના મુસાફર બની ગયા હોય એવું...
Politics 
અરવિંદ કેજરીવાલ અને પ્રશાંત કિશોર બિહારમાં ભાજપના સ્લીપર સેલ

ભારત-ઇંગ્લેન્ડની પાંચમી મેચ જ્યાં રમાઈ છે તે ઓવલમાં એક ઇનિંગમાં 903 રન બનેલા, બોલરો 3 દિવસ સુધી વિકેટ માટે તરસી ગયેલા

ટેસ્ટ સિરીઝની પાંચમી અને નિર્ણાયક મેચ  ભારત અને ઇંગ્લેન્ડ વચ્ચે શરૂ થઈ છે. આ મેચ લંડનના કેનિંગ્ટન ઓવલ મેદાન પર...
Sports 
ભારત-ઇંગ્લેન્ડની પાંચમી મેચ જ્યાં રમાઈ છે તે ઓવલમાં એક ઇનિંગમાં 903 રન બનેલા, બોલરો 3 દિવસ સુધી વિકેટ માટે તરસી ગયેલા

ટ્રમ્પના 25 ટકા ટેરિફથી જેમ એન્ડ જ્વેલરી ઉદ્યોગ પર શું અસર પડશે?

ડોનાલ્ડ ટ્રમ્પે બુધવારે ભારત પર 25 ટકા ટેરિફ નાંખવાની અને 1 ઓગસ્ટથી અમલ કરવાની જાહેરાત કરી. ટ્રમ્પના આ ટેરિફની સૌથી...
Business 
ટ્રમ્પના 25 ટકા ટેરિફથી જેમ એન્ડ જ્વેલરી ઉદ્યોગ પર શું અસર પડશે?
Copyright (c) Khabarchhe All Rights Reserved.