ભારતનો રાજકીય ચક્રવ્યૂહ ખૂબ જ વિચિત્ર છે. અહીં અચાનક જ એવી ઓફરો આવી જાય છે કે, જેને નકારવી અશક્ય જેવું બની જાય છે. 'અમને જે પ્રેમથી મળ્યા તેના અમે થઇ ગયા' જેવી ઉદાર અને સમાનતાવાદી વિચારસરણીને અવગણીને, સાચો મિત્ર એ છે જે મુશ્કેલીના સમયે તમને છોડતો નથી. અહીં એક કટ્ટર કોંગ્રેસ નેતા અને ભૂતપૂર્વ ધારાસભ્યએ મિત્રતા અને પરસ્પર સંબંધોના આ મૂલ્યને જાળવી રાખ્યો, જેણે મહારાષ્ટ્રમાં મુશ્કેલીમાં મુકાયેલી કોંગ્રેસને બીજી એક નિષ્ફળતાથી બચાવી લીધી.
સૂત્રોના માધ્યમથી બહાર આવેલા આ 'રાજકીય નાટક'માં મુખ્ય પાત્ર કોંગ્રેસના ભૂતપૂર્વ ધારાસભ્ય રાહુલ બોન્દ્રે હતા, જેમણે રાહુલ ગાંધી સાથે વાત કર્યા પછી, જીવનભર કોંગ્રેસ પાર્ટી સાથે રહેવાનું વચન આપ્યું હતું. આ એપિસોડની એક વીડિયો ક્લિપ વાયરલ થઈ રહી છે, પરંતુ KHABARCHHE.COM તેની પુષ્ટિ કરતું નથી.
હકીકતમાં, બુલઢાણાના કટ્ટર કોંગ્રેસ નેતા બોન્દ્રે BJPમાં જોડાવાના જ હતા, ત્યારે તેમના ફોન પર આવેલી રિંગે તેમને પોતાનો વિચાર બદલવાની ફરજ પાડી. આનું કારણ કોંગ્રેસ હાઇકમાન્ડ રાહુલ ગાંધીએ કરેલો ફોન કોલ હતો. 1 મિનિટ અને 10 સેકન્ડના આ વીડિયોમાં, રાહુલ ગાંધીને સાંભળ્યા પછી, બોન્દ્રે તેમને 'ભૈયા-ભૈયા' કહીને સંબોધે છે.
આ કોલમાં, રાહુલ ગાંધી કહે છે, 'જુઓ, તેઓ તમારા પર દબાણ કરી રહ્યા છે. આવી ભૂલ ન કરો. કોઈથી ડરવાની જરૂર નથી. તમે હાર્યા વિના જીતી શકતા નથી.' ત્યાર પાછી બોન્દ્રે કહે છે, 'તમારા કોલથી મને હિમ્મત મળી છે, હું હવે લડીશ. હું ફરીથી લડીશ.'
તો, તમે અહીં જોયું, બોન્દ્રેએ કોંગ્રેસ છોડવાનો નિર્ણય જાહેર કરતાની સાથે જ તેમને રાહુલ ગાંધીનો ફોન આવ્યો. રાહુલ ગાંધીએ બોન્દ્રેની પ્રશંસા કરી, તેમને મનાવી લીધા અને તેમના નિર્ણય પર પુનર્વિચાર કરવા કહ્યું, તેમણે તરત જ પોતાનો વિચાર બદલી નાખ્યો.
https://twitter.com/AdvYashomatiINC/status/2102101136115401056
અત્રે ઉલ્લેખનીય છે કે ચીખલીના ભૂતપૂર્વ ધારાસભ્ય રાહુલ બોન્દ્રેએ ફેસબુક લાઈવ દ્વારા BJPમાં જોડાવાનો પોતાનો ઈરાદો જાહેર કર્યો હતો. એવું કહેવામાં આવી રહ્યું છે કે, જો આ વિકેટ પડી હોત, તો તે કોંગ્રેસ માટે મોટો ફટકો હોત, જે પહેલાથી જ ફોલો-ઓનનો સામનો કરી ચૂકી હતી અને હારી ગઈ હતી.
અહેવાલો અનુસાર, બોન્દ્રેએ ફેસબુક લાઇવ પ્રસારણમાં પોતાના સમર્થકો સમક્ષ BJPમાં જોડાવાનો નિર્ણય જાહેર કર્યો હતો. આ જ લાઇવ પ્રસારણ દરમિયાન તેમણે કોંગ્રેસના પ્રદેશ પ્રમુખ હર્ષવર્ધન સપકલ અને અન્ય પક્ષના નેતાઓનો આભાર માન્યો હતો.
આ ભાવનાત્મક ફોન કોલથી પ્રભાવિત થયેલા ભૂતપૂર્વ ધારાસભ્યએ કહ્યું, 'તમે જાતે ફોન કરીને મારા હાલચાલ પૂછ્યા, ભલે હું હવે બધું ગુમાવી દઉં, પણ હું કોંગ્રેસ માટે કામ કરતો રહીશ.'
એક મરાઠી પ્રકાશન અનુસાર, ચીખલીના BJPના ધારાસભ્ય શ્વેતા મહાલેએ તો એમ પણ કહ્યું હતું કે, બોન્દ્રે 22 સપ્ટેમ્બર, મંગળવારના રોજ CM દેવેન્દ્ર ફડણવીસની હાજરીમાં BJPમાં જોડાશે. આ જ બોન્દ્રેએ શ્વેતા મહાલે સામે છેલ્લી વિધાનસભા ચૂંટણી લડી હતી, પરંતુ તેમની સામે 3,702 મતોથી હારી ગયા હતા.
મહારાષ્ટ્રમાં Gen-Zને આકર્ષવા માટે, રાહુલ ગાંધીએ 22 ઓગસ્ટના રોજ કોટા, દેહરાદૂન અને પ્રયાગરાજમાં કાર્યક્રમો યોજ્યા પછી, પુણેમાં 'ગુંજ' નામનો કાર્યક્રમ યોજ્યો. ત્યારથી, સપ્ટેમ્બરની શરૂઆતમાં ઓપરેશન લોટસ અને ઓપરેશન ટાઇગર વિશે ચર્ચાઓએ જોર પકડ્યું છે. જોકે, શિવસેનાના ધારાસભ્ય મૂર્તિ પટેલે દાવો કર્યો હતો કે ઉદ્ધવ ઠાકરેના પક્ષના 14 ધારાસભ્યો DyCM એકનાથ શિંદે જૂથના સંપર્કમાં છે અને ટૂંક સમયમાં અસલી શિવસેનામાં જોડાઈ શકે છે.
જોકે, તેમણે કોઈનું નામ લીધું નથી. તેથી, પુષ્ટિ ન થાય ત્યાં સુધી આવા અહેવાલોને રાજકીય અટકળો જ માનવામાં આવે છે.
5.jpg)
