વિપક્ષના નેતા રાહુલ ગાંધી ગુરુવારે દિલ્હી યુનિવર્સિટી પહોંચ્યા હતા. આ દરમિયાન, તેમણે ઉત્તર કેમ્પસ સ્થિત DUSUની અધ્યક્ષ ઓફિસમાં NSUI સાથે જોડાયેલા વિદ્યાર્થીઓ સાથે વાતચીત કરી હતી, પરંતુ રાહુલ ગાંધીની આ મુલાકાત વિવાદોમાં ઘેરાઇ ચૂકી છે. દિલ્હી યુનિવર્સિટીએ તેને લઈને આપત્તિ દર્શાવી છે અને ફરી આવું ન કરવા સૂચના પણ આપી છે. દિલ્હી યુનિવર્સિટીનું કહેવું છે કે, આ પ્રકારે અચાનક રાહુલ ગાંધીનું આવવું સંસ્થાના પ્રોટોકોલનું ઉલ્લંઘન છે.
યુનિવર્સિટીનું કહેવું છે કે, આ સંસ્થાગત પ્રોટોકોલનું ઉલ્લંઘન સાથે-સાથે વિદ્યાર્થીઓ અને પ્રશાસનના કામકાજમાં પણ વિક્ષેપ નાખ્યો છે. પ્રોક્ટર કાર્યાલય દ્વારા જાહેર કરાયેલા એક નિવેદનમાં કહેવામાં આવ્યું છે કે રાહુલ ગાંધીએ બીજી વખત આ રીતે મુલાકાત લીધી છે. આ દરમિયાન, DUSU કાર્યાલયને સુરક્ષા ઘેરામાં લીધું હતું અને કોઈને પણ અંદર પ્રવેશવાની મંજૂરી આપવામાં આવી નહોતી. DUSU સચિવને પણ તેમની ઓફિસમાં ન જવા દેવામાં આવ્યા. દાવો તો એવો પણ છે કે કેટલાક વિદ્યાર્થીઓ સાથે દુર્વ્યવહાર થયો છે. પરંતુ દિલ્હી યુનિવર્સિટીનો પ્રોટોકોલ શું છે?
શું હોય છે પ્રોટોકોલ?
પબ્લિક ડોમેનમાં દિલ્હી યુનિવર્સિટીના પ્રોટોકોલને લઈને કોઈ જાણકારી નથી. જે રીતે રાહુલ ગાંધી પર આરોપ લાગ્યા છે કે તેમણે પ્રોટોકોલનું પાલન કર્યું, તેનાથી એવી જાણકારી મળે છે કે તેના માટે સૌથી પહેલા યુનિવર્સિટીને થોડા દિવસો અગાઉથી જાણ કરવાની હોય છે કે કઈ તારીખે કયા મહેમાનો આવી રહ્યા છે અને તેઓ કયા કાર્યક્રમ માટે આવી રહ્યા છે. આ ઉપરાંત, તે ક્યાં-ક્યાં જશે, કોને-કોને મળશે અને તેમનો કાર્યક્રમ અંદાજે કેટલા સમયનો હશે.
આ પ્રોટોકોલનું પાલન એટલે કરવામાં આવે છે કે તેનાથી અતિથિની સુરક્ષા સુનિશ્ચિત કરી શકાય. તેમના આવવાથી વિદ્યાર્થીઓના અભ્યાસમાં કોઈ ખલેલ ન પડે. કાર્યક્રમની વ્યવસ્થા કરી શકાય છે અને કોઈ પ્રકારનો દુર્વ્યવહાર ન થાય, જેમ કે રાહુલ ગાંધીની અચાનક મુલાકાતથી આ બધુ જોવા મળ્યું હતું.
11.jpg)
6.jpg)
