બિહાર ચૂંટણી પરિણામો આવી ગયા છે. NDA એ 202 બેઠકો સાથે ઐતિહાસિક જીત મેળવી છે, જ્યારે મહાગઠબંધન 35 બેઠકો પર સમેટાઇ ગયું છે. કેટલાક ઉમેદવારો રેકોર્ડ મતોથી જીત્યા છે, જ્યારે કેટલા એવા પણ છે જે સૌથી ઓછા માર્જિનથી જીત્યા છે.
બિહાર વિધાનસભાની ચૂંટણીમાં સૌથી ઓછા માર્જિનથી જીતનારા ઉમેદવારોમાં સૌથી પહેલું નામ JDUના ઉમેદવાર રામચરણ શાહનું છે. તેમણે સંદેશ બેઠક માત્ર 27 મતોથી જીતી હતી. તેમને 80,598 મતો મળ્યા, જ્યારે RJDના દીપુ સિંહને 80,571 મત મળ્યા. અહીં, જન સૂરાજ પાર્ટી મત કાપનાર સાબિત થઈ. JSPના રાજીવ રંજન રાજનને 6,040 મતો મળ્યા.
તેવી જ રીતે, અંગિઆંવ બેઠક પરથી BJPના ઉમેદવાર મહેશ પાસવાને માત્ર 95 મતોના માર્જિનથી જીત મેળવી હતી. તેમને 69,412 મતો મળ્યા, જેમણે ભારતીય કમ્યુનિસ્ટ પાર્ટી (માર્ક્સવાદી-લેનિનવાદી)ના ઉમેદવાર શિવ પ્રકાશ રંજનને હરાવ્યા હતા.
બલરામપુર બેઠક પરથી LJP (રામવિલાસ)ના ઉમેદવાર સંગીતા દેવીએ 389 મતોના માર્જિનથી જીત મેળવી, તેમણે AIMIM ઉમેદવાર મોહમ્મદ આદિલ હુસૈનને હરાવ્યા. સંગીતા દેવીને 80,459 મત મળ્યા.
એજ રીતે બખ્તિયારપુર બેઠક પર LJP ઉમેદવાર અરુણ કુમારે 981 મતોથી જીત મેળવી. તેમને 88,520 મતો મળ્યા. RJDના ઉમેદવાર અનિરુદ્ધ કુમારને હરાવ્યા, જેમને 87,539 મતો મળ્યા. RJD ઉમેદવાર કુમાર સર્વજીતે બોધગયા બેઠક પર 881 મતોથી જીત મેળવી, તેમને 100,236 મતો મળ્યા, LJP (રામવિલાસ)ના ઉમેદવાર શ્યામદેવ પાસવાનને હરાવ્યા.
કોંગ્રેસના ઉમેદવાર અભિષેક રંજને ચનપટિયા બેઠક પર 602 મતોથી જીત મેળવી. તેમને 87,538 મતો મળ્યા, તેમને ભાજપના ઉમેદવાર ઉમાકાંત સિંહને હરાવ્યા, જેમને 86,936 મતો મળ્યા હતા. RJD ઉમેદવાર ફૈઝલ રહેમાને ઢાકા બેઠક પર 178 મતોથી જીત મેળવી, તેમને 1,12,727 મતો મળ્યા, જ્યારે ભાજપના પવન કુમાર જયસ્વાલને 1,12,549 મતો મળ્યા.
કોંગ્રેસના ઉમેદવાર મનોજ વિશ્વાસે બિહારની ફોર્બ્સગંજ બેઠક પર 221 મતોથી જીત મેળવી, જેમને 1,20,114 મતો મળ્યા, જ્યારે ભાજપના વિદ્યા સાગર કેસરીને 1,19,893 મતો મળ્યા. આ ઉપરાંત, જહાનાબાદ બેઠક પરથી RJDના ઉમેદવાર રાહુલ કુમારે 793 મતથી જીત મેળવી, તેમને 86402 મત મળ્યા, જ્યારે JDUના ઉમેદવાર ચંદેશ્વર પ્રસાદને 85609 મત મળ્યા. નબીનગર બેઠક પણ JDUના ઉમેદવાર ચેતન આનંદે 112 મતથી જીત મેળવી, તેમને 80380 મત મળ્યા, જ્યારે RJDના ઉમેદવાર અમોદ કુમાર સિંહને 80268 મત મળ્યા અને રામગઢ બેઠક પર સતિશ કુમાર યાદવે 30 મતથી જીત મેળવી, તેમને 72689 મત મળ્યા, જ્યારે ભાજપના ઉમેદવાર અશોક કુમાર સિંહને 72659 મત મળ્યા.
3.jpg)
