હાલમાં જ 77 વર્ષની એક મહિલાએ અનોખી રીતે લગ્ન કર્યા છે. ડોરોથી 'ડોટી' ફિડેલીએ કહ્યું કે, તેણે તેના પહેલા લગ્નમાં ઘણું દુઃખ સહન કર્યું અને હવે તે નવેસરથી શરૂઆત કરવા માંગે છે. ડોટીએ કહ્યું કે, ભલે ઘણો વિલંબ થયો પરંતુ આખરે મેં મારા સપનાના લગ્ન કરી લીધા છે.
3 બાળકોની માતા ડોટીએ જણાવ્યું કે, તેના પહેલા લગ્ન 1965માં થયા હતા, જેના પછી તરત જ તેનો પતિ કામ પર ગયો અને તે પોતાના ઘરે આવી ગઈ. 9 વર્ષ પછી તેમના છૂટાછેડા થઈ ગયા. એટલે કે, એકંદરે, તેણે ક્યારેય લગ્નજીવન જોયું જ નથી. તેણે જણાવ્યું કે, તે છેલ્લા 40 વર્ષથી એકલી રહે છે.
સવાલ એ છે કે, ડોટીએ આ લગ્ન કોની સાથે કર્યા છે, જેને એકદમ અનોખા કહેવામાં આવી રહ્યા છે? વાસ્તવમાં તેણે આ લગ્ન પોતાની સાથે જ કર્યા છે. તેણે કહ્યું કે, પહેલા લગ્નમાં આટલું બધું દુઃખ જોયા પછી મેં પોતાની સાથે જ લગ્ન કરવાનો નિર્ણય લીધો છે. મીડિયા સાથેના એક ઇન્ટરવ્યુમાં તેના પ્રથમ લગ્નને યાદ કરતાં, ડોટીએ કહ્યું હતું કે 'તે સમયે મેં કાળો ડ્રેસ પહેર્યો હતો, તેથી લગ્ન જીવન શરૂ થાય તે પહેલાં હું બરબાદ થઇ ગઈ હતી.'
USમાં ઓહાયોના ગોશેન સ્થિત ઓ'બેનન ટેરેસ રિટાયરમેન્ટ કોમ્યુનિટીમાં રહેતી ડોટીને સૌપ્રથમ એક મિત્ર દ્વારા પોતાની સાથે લગ્ન કરવાનો વિચાર આવ્યો. તેણે એક TV શોમાં કંઈક આવું જોયું હતું. આ અંગે ડોટીએ તેના મિત્રને કહ્યું, તને ખબર છે, બાકીનું બધું મેં કર્યું છે. હું મારી પોતાની સાથે લગ્ન કેમ ન કરી લઉ?'
ડોટીની પુત્રી ડોના પેનિંગ્ટનને પણ લાગ્યું કે, તે એક સરસ વિચાર છે. તેણે આ માટેની તૈયારીઓ શરૂ કરી અને તેની માતાના નિવૃત્તિ ઘરના સમુદાય રૂમને શણગાર્યો. મહેમાનોને લાલ ગુલાબની પેટર્નવાળી દ્વિ-સ્તરની સફેદ કેકના ટુકડા, તેમજ દિલના આકારની કૂકીઝ અને લગ્નની ઘંટડી જેવા ફિંગર સેન્ડવીચ પીરસવામાં આવ્યા હતા.
ધૂમ ધામથી થયેલા આ લગ્ન માટે કન્યાએ સુંદર સફેદ ડ્રેસ પહેર્યો હતો. સાથે જ સિલ્વર બેલ્ટ અને હેડબેન્ડ પણ પહેર્યા હતા. તે તેના બીજા લગ્નને લઈને નર્વસ અને ઉત્સાહિત બંને હતી. ડોટીએ કહ્યું, 'મેં મારી દીકરીને કહ્યું, તમારા બાળકને જન્મ લેતા જોઈને મારી સાથે આ સૌથી સારી બાબત છે. હું હંમેશા આ ઈચ્છતી હતી, હું ખૂબ ખુશ છું.' KCEN સાથેની એક અલગ મુલાકાતમાં, ડોટીએ કહ્યું, 'મેં ક્યારેય વિચાર્યું ન હતું કે હું આટલી સુંદર દેખાઈશ. તે મારા માટે એક ભાવનાત્મક ક્ષણ છે, કારણ કે, તે કંઈક એવું જ છે, જે હું હંમેશા ઇચ્છતી હતી.'
15.jpg)
