પશ્ચિમ કેનેડાના બ્રિટિશ કોલંબિયા રાજ્યના વિલિસ્ટન તળાવમાં એક રહસ્યમય ટાપુ દેખાયો છે. આ ગીચ વૃક્ષોથી ઢંકાયેલો ટાપુ પહેલા દેખાયો અને પછી ગાયબ થઈ ગયો. હવે, તે તળાવથી 30 કિલોમીટર દૂર ફરી જોવા મળ્યો છે. આશરે 150 ફૂટ લાંબો અને 75 મીટર પહોળો આ ટાપુ સ્થાનિકો અને વૈજ્ઞાનિકો માટે ચર્ચાનો વિષય બન્યો છે. આ ટાપુની અનોખી ખાસિયત એ છે કે તે કોઈ નકશા કે નેવિગેશન ચાર્ટ પર નહોતો.
એવું કહેવામાં આવે છે કે, એક નાવિકે પહેલા ટાપુનો વીડિયો બનાવ્યો અને તેને સોશિયલ મીડિયા પર પોસ્ટ કર્યો હતો. વીડિયોમાં તળાવમાં લગભગ 100 વૃક્ષો તરતા દેખાતા હતા. આ વીડિયો સોશિયલ મીડિયા પર ખુબ વાયરલ થયો હતો, પરંતુ પછી ફરીથી ગાયબ થઈ ગયો હતો. મીડિયા સૂત્રોના જણાવ્યા અનુસાર, આ ટાપુ 31 ઓગસ્ટ, સોમવારના રોજ બીજી વખત જોવા મળ્યો હતો. અગાઉ, ઓગસ્ટની શરૂઆતમાં, તે તેની પાછલી જગ્યાએથી 30 કિલોમીટરથી વધુ દૂર વહી ગયો હતો.
આ ઘટના વિશે જાણનારા લોકો મૂંઝવણમાં છે કે, આટલો મોટો ટાપુ આખે આખો કેવી રીતે અદૃશ્ય થઈ શકે છે. BC હાઇડ્રો એક સરકારી કંપની છે, જે તળાવો અને બાંધોને લગતા કામ કરે છે. કંપનીના પ્રવક્તા બોબ ગેમરે આ ટાપુ પર ટિપ્પણી કરી છે. તેમણે કહ્યું કે, જ્યારે તેમણે પહેલીવાર ટાપુનો ફોટો જોયો ત્યારે તેમને તે ખૂબ જ અનોખો અને આશ્ચર્યજનક લાગ્યો.
તેમણે એમ પણ જણાવ્યું હતું કે, જ્યારે તેમણે પહેલીવાર ટાપુનો વીડિયો જોયો, ત્યારે તેમને લાગ્યું કે તે કૃત્રિમ બુદ્ધિ (AI) દ્વારા બનાવવામાં આવ્યો છે. જોકે, સેટેલાઇટના ફોટાઓએ પુષ્ટિ આપી છે કે ખરેખર એક ટાપુ હતો, જે તળાવના મુખ્ય ભાગ અને બંધથી 90 કિલોમીટરથી વધુ દૂર તરતો હતો. ગેમરે વધુમાં જણાવ્યું હતું કે, ટાપુ બે દૃશ્યો વચ્ચે કિનારા તરફ વહી ગયો હશે. તેમણે ઉમેર્યું હતું કે, તેના ગાયબ થવાનો અર્થ એ નથી કે તે તળાવમાં અદૃશ્ય થઈ ગયો છે.
8.jpg)
શક્ય છે કે તે કિનારાની નજીક કોઈ સુરક્ષિત જગ્યાએ હોય. BC હાઇડ્રોને ખબર નથી કે ટાપુ પર કોનું વૃક્ષ છે. પરંતુ જો પરિસ્થિતિઓ યોગ્ય હોય, તો તે વર્ષો સુધી તે સ્થાને રહી શકે છે અને ઉગી પણ શકે છે. સ્થાનિક લોકો કહે છે કે આ રહસ્યમય ટાપુ પરના વૃક્ષો દાયકાઓ જૂના હોઈ શકે છે.
https://twitter.com/bchydro/status/2095254942252400955
ગેમરે જણાવ્યું કે, એવું નથી કે આ ટાપુ પર ફક્ત નાના નાના ઝાડ હોય. આ એક એવો ટાપુ છે જ્યાં મોટા મોટા વૃક્ષો છે, અને તેને જોવાનું ખૂબ જ રસપ્રદ છે. આવી ઘટનાઓ દરરોજ બનતી નથી. આ વિસ્તારના રહેવાસી રોકી એવરી આ ટાપુનું ફિલ્માંકન કરીને તેને સોશિયલ મીડિયા પર પોસ્ટ કરનાર પ્રથમ વ્યક્તિ હતા. તેમણે કહ્યું, 'જો હું જઈ શકું તો હું ચોક્કસ તે ટાપુ પર જઈશ.'
જોકે, ગેમરે બોટ ચલાવનારાઓ અને અન્ય લોકોને ટાપુ પર જવાનું ટાળવાની સલાહ આપી, એમ કહીને કે ત્યાં પહોંચવાનો પ્રયાસ કરવો 'અસુરક્ષિત' હોઈ શકે છે.
3.jpg)
