અમેરિકાના ટેક્સાસ રાજ્યમાં ભારતીય મૂળના જાણીતા જજ કેપી જ્યોર્જ (KP George) ને નાણાકીય ગુનાઓ બદલ 10 વર્ષની જેલની સજા ફટકારવામાં આવી છે. ફોર્ટ બેન્ડ કાઉન્ટીના પ્રથમ ભારતીય મૂળના જજ બનીને ઇતિહાસ રચનાર કેપી જ્યોર્જ હવે મની લોન્ડરિંગ અને ચૂંટણી ભંડોળના દુરુપયોગના કેસમાં જેલના સળિયા પાછળ જશે.
કેરળ સાથે જોડાયેલા છે તાર
જજ કેપી જ્યોર્જ મૂળ ભારતના કેરળ રાજ્યના વતની છે. તેમણે અમેરિકામાં કાયદાકીય ક્ષેત્રે મોટી નામના મેળવી હતી, પરંતુ તાજેતરના ચુકાદાએ તેમની કારકિર્દી પર મોટું પ્રશ્નાર્થ ચિહ્ન મૂકી દીધું છે.
26.jpg)
શું છે સમગ્ર મામલો?
'ફોક્સ 26 હ્યુસ્ટન'ના અહેવાલ મુજબ, ટેક્સાસની એક જ્યુરીએ કેપી જ્યોર્જને મની લોન્ડરિંગના બે કેસમાં દોષિત જાહેર કર્યા છે. તેમના પર આરોપ છે કે તેમણે પોતાના ચૂંટણી અભિયાન (Campaign) માટે મળેલા નાણાંનો અંગત ફાયદા માટે ખોટો ઉપયોગ કર્યો હતો. સરકારી વકીલોએ પુરાવા રજૂ કર્યા કે તેમણે એક રાજ્યમાંથી બીજા રાજ્યમાં નાણાં ટ્રાન્સફર કરીને હેરાફેરી કરી હતી. તેમણે સત્તાવાર ફાઈલિંગમાં ખોટી માહિતી આપી અને ભંડોળ બાબતે જૂઠું બોલ્યા હતા.
સજા અને જામીન
એક અઠવાડિયા સુધી ચાલેલા ટ્રાયલ બાદ જ્યુરીએ તેમને 'થર્ડ-ડિગ્રી ફેલોની' (ગંભીર ગુનો) હેઠળ દોષિત માન્યા છે. અમેરિકી કાયદા મુજબ આ ગુના માટે 2 થી 10 વર્ષની જેલની જોગવાઈ છે. ચુકાદા બાદ તરત જ તેમને કસ્ટડીમાં લેવાયા હતા, જોકે બાદમાં 20,000 ડોલર (આશરે 18 લાખ રૂપિયા) ના બોન્ડ પર તેમને જામીન મળ્યા છે. શરત મુજબ, તેમણે પોતાનો અમેરિકી પાસપોર્ટ સરેન્ડર કરવો પડ્યો છે.
રાજકીય કારકિર્દીનો અંત?
કેપી જ્યોર્જ 2026 માં ફરીથી ફોર્ટ બેન્ડ કાઉન્ટી જજ તરીકે ચૂંટણી લડી રહ્યા હતા. રિપબ્લિકન પ્રાઇમરી ચૂંટણીમાં તેમની સ્થિતિ અત્યંત નબળી રહી હતી:
કોર્ટમાં પક્ષ અને પ્રતિપક્ષની દલીલો
સરકારી વકીલ કેથરીન પીટરસને જ્યુરીને જણાવ્યું હતું કે, પુરાવા સ્પષ્ટપણે દર્શાવે છે કે જ્યોર્જે પૈસાની હેરાફેરી કરી છે અને અંગત સ્વાર્થ માટે કાયદાનો ભંગ કર્યો છે. બીજી તરફ, કેપી જ્યોર્જના વકીલોએ દલીલ કરી હતી કે આ કેસ માત્ર અધૂરા રેકોર્ડ અને ખોટી ધારણાઓ પર આધારિત છે, અને સરકારી પક્ષ કોઈ પણ ગેરકાયદેસર હેતુ સાબિત કરવામાં નિષ્ફળ રહ્યો છે.
13.jpg)
