‘પઠાણ’ની કમાણી વિશ્વભરમાં 4 દિવસમાં 429 કરોડને પાર, શાહરૂખના જાદુની અસર

શાહરૂખ ખાનની ફિલ્મ ‘પઠાણ’ બોક્સ ઓફિસ પર જોરદાર કમાણી કરી રહી છે. ફિલ્મની રીલિઝને 4 દિવસ થઇ ગયા છે, છતાં પણ ફિલ્મને લઇને લોકોમાં ક્રેઝ ઓછો થવાનું નામ નથી લઇ રહ્યું, ચોથા દિવસે એટલે કે, શનિવારે પણ ફિલ્મે 55 કરોડ રૂપિયાની કમાણી કરી છે.

‘પઠાણ’એ શનિવારે આશા કરતા વધારેની કમાણી કરી છે, જ્યાં ટ્રેડ એનાલિસ્ટો અનુમાન લગાવી રહ્યાં હતાં કે, શનિવારે ફિલ્મ 45 કરોડ રૂપિયા સુધીની કમાણી કરશે, પણ ફિલ્મે 55 કરોડ રૂપિયાની કમાણી કરીને નવો રેકોર્ડ બનાવ્યો છે. લોકોની ઉપર એ રીતે દિવાનગી છે કે, કેટલાક લોકો તેને જોવા માટે એક નહીં, બે નહીં પણ ચાર શોનું બુકિંગ કરાવી રહ્યા છે.

ફિલ્મ ક્રિટિક તરણ આદર્શે ટ્વીટ કરીને ‘પઠાણ’નો આંકડો શેર કરતા કહ્યું છે કે, 4 દિવસમાં 275 કરોડ રૂપિયાની કમાણી કરીને ‘પઠાણ’ KGF 2 અને બાહુબલી 2નો પણ રેકોર્ડ તોડી નાખ્યો છે. જ્યારે ફિલ્મે આખા વિશ્વમાં 400 કરોડ રૂપિયાથી વધારેની કમાણી કરી લીધી છે.

રીલિઝના પહેલા દિવસે ભારતમાં ‘પઠાણ’એ લગભગ 57 કરોડ રૂપિયાનું બંપર ઓપનિંગ કર્યું હતું અને 26મી જાન્યુઆરીના રોજ 73 કરોડ રૂપિયાનું કલેક્શન કર્યું છે, જ્યારે, ત્રીજા દિવસે ફિલ્મે 38 કરોડ રૂપિયાની કમાણી કરી છે. શુક્રવારના રોજ વર્કિંગ ડે હોવાના કારણે ફિલ્મની કમાણી પર થોડી અસર પડી, પણ પછી શનિવારે વીકેન્ડનો ફાયદો મળ્યો અને ‘પઠાણ’ની આંધી ચાલુ રહી અને ફિલ્મે 55 કરોડ રૂપિયાની કમાણી કરી.

‘પઠાણ’એ આખા વિશ્વમાં વીકેન્ડમાં 313 કરોડ રૂપિયાની કમાણી કરીને હિંદી સિનેમાના ઇતિહાસમાં સૌથી મોટું ઓપનિંગ વિકેન્ડ નોંધાવ્યું છે. યશ રાજ ફિલ્મ્સના CEO અક્ષય વિધાણીએ કહ્યું કે, આ અવિશ્વસનીય છે કે, રીલિઝના પહેલા 3 દિવસોમાં ફિલ્મના કલેક્શનને જોતા ‘પઠાણ’એ ભારત અને વિદેશોમાં અત્યાર સુધીનું સૌથી મોટું ઓપનિંગ નોંધાવ્યું છે, જેને કોઇપણ ફિલ્મ માટે ઓપનિંગ વિકેન્ડ કહેવાય છે. ફિલ્મનું અત્યાર સુધીનું કલેક્શન જોતા લાગી રહ્યું છે કે, આ ફિલ્મને રવિવારના દિવસે પણ સારું કલેક્શન મળી શકે છે. રજાનો દિવસ હોવાથી ફિલ્મને વધારે ફાયદો મળી શકે છે.

Related Posts

Top News

સૌરાષ્ટ્રના આ ખેડૂત કોથિંબાની કાચરી થકી લાખોનો બિઝનેસ કરે છે

સૌરાષ્ટ્રના એક ખેડૂત કોથિંબાની કાયરીનો એવો ગૃહઉદ્યોગ ચલાવે છે જેનાથી તેઓ લાખો રૂપિયાની કમાણી કરી રહ્યા છે. ખેડૂતો અને આજના...
Gujarat 
સૌરાષ્ટ્રના આ ખેડૂત કોથિંબાની કાચરી થકી લાખોનો બિઝનેસ કરે છે

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 16-05-2025 દિવસ: શુક્રવાર મેષ: તમારી કેટલીક યોજનાઓ લાંબા સમયથી કાર્યસ્થળ પર લટકી રહી હતી, તેથી તમારે તેનું ધ્યાન રાખવું...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

સુરતમાં એક જ પરિવારની 2 દીકરી અને 1 દીકરો સેનામાં છે

સામાન્ય રીતે એવી છાપ છે કે ભારતીય આર્મીમાં ગુજરાતીઓ જોડાતા નથી, ગુજરાતીઓને માત્ર બિઝનેસમાં જ રસ છે. પરંતુ ઓપરેશન...
Gujarat 
સુરતમાં એક જ પરિવારની 2 દીકરી અને 1 દીકરો સેનામાં છે

બલુચિસ્તાન પાકિસ્તાનનું નથી... બલુચ નેતાઓએ કરી આઝાદીની જાહેરાત, કહ્યું-તાત્કાલિક PoK છોડી દે પાકિસ્તાન

પાકિસ્તાન અધિકૃત બલુચિસ્તાનમાં બલુચ લોકો રસ્તાઓ પર ઉતરી આવ્યા છે અને તેમનો રાષ્ટ્રીય ચુકાદો છે કે બલુચિસ્તાન પાકિસ્તાન નથી અને...
World 
બલુચિસ્તાન પાકિસ્તાનનું નથી... બલુચ નેતાઓએ કરી આઝાદીની જાહેરાત, કહ્યું-તાત્કાલિક PoK છોડી દે પાકિસ્તાન
Copyright (c) Khabarchhe All Rights Reserved.