નર્મદા સરદાર સરોવર ડેમ ઓવરફ્લો થતા સૌરાષ્ટ્રમાં જળ સંકટ હળવું થયું છે. જેનાથી સૌરાષ્ટ્રના લોકોમાં ખૂશીનો માહોલ જોવા મળ્યો છે. નર્મદાનુ પાણી ચાર લીંકથી નર્મદાની પાણી સૌરાષ્ટ્રના ડેમોમાં પહોંચાડવામાં આવશે. લીંક 1ની મદદથી જામનગરના ઊંડ-1માં પાણી પહોંચશે. લીંક -3ની મદદથી આજી-1, ન્યારી-2 અને ભાદર-1માં નર્મદાની પાણી પહોંચશે. આ ડેમમાં આખા વર્ષ દરમિયાન ચાલે તેટલું પાણી ભરવામાં આવશે. આ બાબતે સૌની યોજના સાથે સંકળાયેલા અધિકારીઓનુ કહેવું છે કે, પીવાની પાવી રિજર્વ રહી શકે તે માટેનું તમામ આયોજન કરી દેવામાં આવ્યું છે.
સૌરાષ્ટ્રના ડેમો નર્મદાના પાણીથી ભરાવાના કારણે સૌથી મોટો ફાયદો ખેડૂતોને થશે. ગત વર્ષે અછત જેવો માહોલ જોવા મળ્યો હતો. આ જળસંકટમાં નર્મદાના નીર ગુજરાતના લોકો માટે જીવાદોરી સાબિત થયા હતા. સૌરાષ્ટ્રમાં કેટલીક જગ્યા પર સૌની યોજના અંતર્ગત નર્મદાના નીર પહોંચતા જળ સંકટ થયુ ન હતુ અને ફરી એક વાર સૌની યોજના અંતર્ગત 4 લીંકની મદદથી નર્મદા ડેમ ઓવરફ્લો થતા સૌરાષ્ટ્રના ડેમો ભરવામાં આવશે અને તેનો સીધો ફાયદો ખેડૂતોને થશે. નર્મદા ડેમ ઓવર ફ્લો થવાના કારણે મુખ્યમંત્રી વિજય રૂપાણી અને નાયબ મુખ્ય મંત્રી નીતિન પટેલે નર્મદાના નીરના વધામણા કર્યા હતા.
આ બાબતે મુખ્યમંત્રી વિજય રૂપાણીએ જણાવ્યું હતું કે, નર્મદા ડેમ અને તેનુ નેટવર્ક આપણા માટે જીવ દોરી સમાન છે. આજે આનંદની વાત છે કે, ડેમનું કામ પૂર્ણ થયું અને દરવાજા લાગી ગયા પછી પહેલી વખત આજે મહત્તમ સપાટી ઉપરવાસના વરસાદને કારણે આવ્યું છે. ડેમના દરવાજા ખોલવા પડ્યા છે અને સંપૂર્ણ ડેમ આજે ભરાઈ ગયો છે. આજે હું અને નાયબ મુખ્યમંત્રી નીતિન પટેલ, ચીફ સેક્રેટરી નર્મદાના ચેરમેન કૈલાશ નાથન, MD રાજીવ ગુપ્તાએ માં નર્મદાને પ્રમામ કરીને નર્મદાના નીરના વધામણા કર્યા છે. કાલ રાતથી જ પાણી છોડવામાં આવ્યું છે. તમામ કેનાલો એટલે કે, બ્રાંચ કેનાલો, કચ્છથી માંડીને બનાસકાંઠા સુધી અને આ બાજુ સૌરાષ્ટ્રની કેનાલો આ બધામાં મહત્તમ પાણી છોડીને સૌની યોજનાના ડેમો સુજલામ સુફલામ યોજનાના તળાવો, નદીઓ આ પાણી વહેવડાવીને પાણી ડાયવર્ટ કરવાનો આપણને મોકો મળ્યો. ગુજરાતમાં છેલ્લા 20 વર્ષની મહેનત અને ટેકનીકલની કાર્યક્ષમતા આજે પૂરવાઈ થઇ છે કે, નેવાના પાણી મોભે ચડાવવા. આ બધી પાણી અહીંથી 400-500 કિલોમીટર સુધી અહીંથી ડાયવર્ટ કરીને પહોંચાડીને ગુજરાતના ખેડૂત અને ગુજરાતની જનતાને પીવા માટે આ પાણીને ત્યાં સુધી પહોંચાડી દઈશું.
15.jpg)
