રાહુલ ગાંધીને રિપોર્ટરે પૂછ્યું તમે જેકેટ પહેરી લીધું, નેતાએ આપ્યું રીએક્શન

કોંગ્રેસના સાંસદ રાહુલ ગાંધીની ભારત જોડો યાત્રા 20 જાન્યુઆરીના રોજ જમ્મુ-કશ્મીરના કઠુઆથી શરૂ થઈ છે. આ દરમિયાન સામાન્ય વરસાદમાં કાળો જેકેટ પહેરીને રાહુલ ગાંધીએ સવારે ભારે ભીડ સાથે જમ્મુ-કશ્મીરના કઠુઆથી પદયાત્રા શરૂ કરી હતી. જમ્મુ-કાશ્મીરની ઠંડીમાં આજે રાહુલ ગાંધી જેકેટ પહેરીન નજરે પડ્યા. આ દરમિયાન એક રિપોર્ટરે તેમને સવાલ કર્યો કે તમે જેકેટ પહેરીને છો, શું તમને ઠંડી લાગી રહી છે?

કાઠુઆમાં ભારત જોડો યાત્રા દરમિયાન ભારત જોડો યાત્રા દરમિયાન એક રિપોર્ટરે રાહુલ ગાંધીને જેકેટ પહેરવા આ ઠંડીને લઈને સવાલ કર્યો, જેનો કોંગ્રેસ સાંસદ રાહુલ ગાંધીએ કોઈ જવાબ ન આપ્યો. રિપોર્ટરે ત્રણ વખત પૂછ્યું કે શું તમને ઠંડી લાગી રહી છે? પરંતુ રાહુલ ગાંધીએ કોઈ જવાબ ન આપ્યો. વારંવાર સવાલ રીપિટ કરવા પર સુરક્ષાકર્મીઓએ રિપોર્ટરને સાઇડ પર કરી દીધો. શિવસેના (ઉદ્ધવ ઠાકરે ગ્રુપ UBT)ના સાંસદ સંજય રાઉત પણ ભારત યાત્રામાં સામેલ થયા.

#WATCH जम्मू-कश्मीर: कांग्रेस सांसद राहुल गांधी की भारत जोड़ो यात्रा कठुआ से शुरू हुई। शिवसेना (उद्धव ठाकरे गुट) के सांसद संजय राउत भी यात्रा में शामिल हुए। pic.twitter.com/17zMPZvZ2m

— ANI_HindiNews (@AHindinews) January 20, 2023

શિવસેનાના નેતાએ કહ્યું કે, ‘હું શિવસેના તરફથી આવ્યો છું. દેશનો માહોલ બદલાઈ રહ્યો છે અને હું રાહુલ ગાંધીને અવાજ ઉઠાવનારા નેતાની જેમ જોઉ છું. તેમના સમર્થનમાં ભીડ ઉમટી રહી છે અને લોકો ભેગા થઈ રહ્યા છે. ઉલ્લેખનીય છે કે આ અગાઉ ઠંડીમાં જેકેટ ન પહેરવા અને ટીશર્ટમાં ફરવા પર રાહુલ ગાંધીએ કહ્યું હતું કે ટી-શર્ટને લઈને એટલે હોબાળો કેમ? હું સ્વેટર પહેરતો નથી કેમ કે મને ઠંડીથી ડર નથી લાગતો. ઠંડી લાગ્યા બાદ હું સ્વેટર પહેરવાનું વિચારી રહ્યો છું.

કોંગ્રેસ સાંસદ રાહુલ ગાંધીએ એમ પણ કહ્યું હતું કે, ‘હું ભારત જોડો યાત્રામાં ટીશર્ટ પહેરીને ચાલુ છું. યાત્રામાં મારી સાથે ગરીબ ખેડૂત મજૂરોના ઘણાં બાળકો ફાટેલા કપડાં પહેરીને ચાલે છે, પરંતુ મીડિયા એ નથી પૂછતી કે ઠંડીના વાતાવરણમાં ગરીબ ખેડૂતો અને મજૂરોના બાળકો સ્વેટર/જેકેટ વિના કેમ ફરી રહ્યા છે. તો રાહુલ ગાંધીના જેકેટ ન પહેરવા પર કોંગ્રેસ નેતા સલમાન ખુર્શીદે કહ્યું હતું કે, રાહુલ ગાંધી અલૌકિક છે. જ્યારે આપણે ઠંડીમાં ધ્રુજી રહ્યા છીએ અને જેકેટ પહેરી રહ્યા છીય તો તેઓ ટી-શર્ટમાં ભારત જોડો યાત્રા માટે બહાર જઇ રહ્યા છે. તેઓ એક યોગીની જેમ છે જે પોતાની તપસ્યા ધ્યાનથી કરી રહ્યા છે.