દિલ્હી પોલીસ પહોંચી રાહુલ ગાંધીના ઘરે, કોંગ્રેસના નેતાઓને અંદર જતા પોલીસ રોકે છે

કોંગ્રેસ નેતા રાહુલ ગાંધીએ શ્રીનગરમાં આપેલા વિવાદાસ્પદ નિવેદનના સંદર્ભમાં દિલ્હી પોલીસ રવિવારે તેમના નિવાસસ્થાને પહોંચી છે. કહેવામાં આવી રહ્યું છે કે, દિલ્હી પોલીસના સ્પેશિયલ CP અને DCP હાલમાં રાહુલ ગાંધીના ઘરની અંદર હાજર છે. જોકે રાહુલ એક કલાક પછી પણ પોલીસને મળ્યો નથી.

પવન ખેડા રાહુલ ગાંધીને મળવા તેમના નિવાસસ્થાને પહોંચી ગયા છે. પરંતુ પોલીસે પહેલા તેમને અંદર જતા અટકાવ્યા હતા. જોકે બાદમાં પરવાનગી આપવામાં આવી હતી. પોલીસે રાહુલ ગાંધીના આવાસની બહાર બેરિકેડ લગાવી દીધા છે. પવન ખેડાએ કહ્યું કે, રાહુલ ગાંધીને ડરાવવાનો પ્રયાસ થઈ રહ્યો છે. સરકારને શું લાગે છે કે તેઓ ડરી જશે? પવન ખેડા સાથે શક્તિસિંહ ગોહિલ અને અશોક ગેહલોત રાહુલ ગાંધીના નિવાસસ્થાને પહોંચ્યા છે. કોંગ્રેસના ત્રણેય નેતાઓ રાહુલના ઘરની અંદર છે. વરિષ્ઠ વકીલ અને કોંગ્રેસના નેતા અભિષેક મનુસિંઘવી અને જયરામ રમેશ પણ રાહુલ ગાંધીના નિવાસસ્થાને પહોંચી ગયા છે.

હકીકતમાં, શ્રીનગરમાં તેમની ભારત જોડો યાત્રાના છેલ્લા દિવસે રાહુલ ગાંધીએ નિવેદન આપ્યું હતું કે, આજે પણ મહિલાઓનું યૌન શોષણ થઈ રહ્યું છે. આને લઈને દિલ્હી પોલીસે 16 માર્ચે રાહુલ ગાંધીને નોટિસ મોકલીને પૂછ્યું હતું કે, તે કઈ મહિલાઓ છે. જેણે આવું કહ્યું છે. રાહુલ ગાંધીએ તેની વિગતો દિલ્હી પોલીસને આપવી જોઈએ. દિલ્હી પોલીસના સૂત્રોના જણાવ્યા અનુસાર કોંગ્રેસના નેતાએ હજુ સુધી દિલ્હી પોલીસને જવાબ આપ્યો નથી.

સ્પેશિયલ CP (કાયદો અને વ્યવસ્થા) સાગરપ્રીત હુડ્ડાએ કહ્યું કે, અમે તેમની સાથે વાત કરવા આવ્યા છીએ. રાહુલ ગાંધીએ 30 જાન્યુઆરીએ શ્રીનગરમાં નિવેદન આપ્યું હતું કે, મુલાકાત દરમિયાન તેઓ ઘણી મહિલાઓને મળ્યા હતા અને તેઓએ રાહુલ ગાંધીને કહ્યું હતું કે, તેમની સાથે યૌન શોષણ થયું છે. એટલા માટે અમે તેમની પાસેથી માહિતી મેળવવાનો પ્રયાસ કરી રહ્યા છીએ, જેથી પીડિતોને ન્યાય મળી શકે.

VIDEO | Congress leader @Pawankhera talks to media after Delhi Police team reaches Rahul Gandhi's residence today morning. pic.twitter.com/UlQPcopHV4

— Press Trust of India (@PTI_News) March 19, 2023

જ્યારે, કોંગ્રેસે દિલ્હી પોલીસ દ્વારા રાહુલ ગાંધીને નોટિસ આપવા પર કેન્દ્ર પર નિશાન સાધ્યું હતું. કોંગ્રેસે કહ્યું હતું કે, PM નરેન્દ્ર મોદી અને અદાણી વચ્ચેના સંબંધો પર રાહુલ ગાંધીના સવાલોથી પરેશાન સરકાર તેની પોલીસની પાછળ છુપાઈ જાય છે. કોંગ્રેસે કહ્યું હતું કે, અમે કાયદા મુજબ યોગ્ય સમયે નોટિસનો જવાબ આપીશું. આ નોટિસ તેનો વધુ એક પુરાવો છે કે, સરકાર ડરી ગઈ છે.

#WATCH | We've come here to talk to him. Rahul Gandhi gave a statement in Srinagar on Jan 30 that during Yatra he met several women & they told him that they had been raped...We're trying to get details from him so that justice can be given to victims: Special CP (L&O) SP Hooda pic.twitter.com/XDHru2VUMJ

— ANI (@ANI) March 19, 2023

પોલીસના જણાવ્યા અનુસાર, રાહુલ ગાંધીએ ભારત જોડો યાત્રાના છેલ્લા દિવસે નિવેદન આપ્યું હતું કે, અત્યારે પણ મહિલાઓનું યૌન શોષણ થઈ રહ્યું છે. આ બાબતની નોંધ લેતા પોલીસે રાહુલ ગાંધીને કેટલાક પ્રશ્નોની યાદી મોકલી હતી. સાથે જ આ મહિલાઓ વિશે માહિતી આપવાનું પણ કહ્યું, જેથી તેમને સુરક્ષા પૂરી પાડી શકાય.