સોશિયલ મીડિયા પર વાયરલ થવા અને રીલ્સ પર મહત્તમ વ્યૂઝ મેળવવા માટે એક યુવકે તેની કારને જ કિસિંગ કાર બનાવી દીધી. તેની ગર્લફ્રેન્ડે કારના આખી બોડી પર લિપસ્ટિકથી કિસના નિશાન બનાવ્યા હતા. ત્યારબાદ કારનો એક વીડિયો ઇન્સ્ટાગ્રામ પર અપલોડ કરવામાં આવ્યો. વીડિયો જોત-જોતામાં વાયરલ થઇ ગયો અને એક જ દિવસમાં લગભગ 55 લાખ વ્યૂઝ મળ્યા. વીડિયોમાં કારની બાડી પર મોટી સંખ્યામાં લિપસ્ટિકના નિશાન સ્પષ્ટપણે દેખાઈ રહ્યા હતા.
ટ્રાફિક પોલીસના જણાવ્યા અનુસાર, ઝડપી ગતિએ આવતી કારનો વીડિયો બે દિવસ પહેલા વાયરલ થયો હતો. જ્યારે પોલીસે વીડિયો જોયો, ત્યારે તેમણે કાર પર લિપસ્ટિકના નિશાન જોયા. ત્યારબાદ ટ્રાફિક પોલીસે કારની માહિતી મેળવી તો જાણવા મળ્યું કે તે થાટીપુર વિસ્તારની છે. ત્યારબાદ પોલીસની એક ટીમ થાટીપુરથી કાર કબજે કરી અને તેને ટ્રાફિક પોલીસ સ્ટેશન લાવી. સ્ટેશન પર બોલાવવામાં આવતા માલિકે પોતાની ભૂલ સ્વીકારી અને પાણીથી કાર પર લિપસ્ટિકના નિશાન જાતે ધોઈ નાખ્યા. ટ્રાફિક સ્ટેશનના ઇન્ચાર્જ અભિષેક રઘુવંશીએ જણાવ્યું હતું કે મોટર વાહન અધિનિયમની વિવિધ જોગવાઈઓ હેઠળ કાર પર ₹5,500નો દંડ ફટકારવામાં આવ્યો હતો.
કારના માલિક, આદિત્ય સિકરવારે પોલીસ સામે જણાવ્યું હતું કે તે ઇન્સ્ટાગ્રામ રીલ્સ બનાવે છે. તેણે બે દિવસ પહેલા વીડિયો અપલોડ કર્યો હતો, એવી આશામાં કે તે વાયરલ થશે અને આવું જ થયું. વીડિયો પર એક જ દિવસમાં લગભગ 55 લાખ વ્યૂઝ મળ્યા. આદિત્યએ સ્પષ્ટતા કરી કે તેણે પોતે લિપસ્ટિકના નિશાન બનાવ્યા નથી; તેનું કહેવું છે કે જ્યારે કાર ઉભી હતી, ત્યારે એક મહિલા મિત્રએ કારની બોડી પર કિસ કરી હતી. ત્યારબાદ તેણે કારનો વીડિયો બનાવ્યો અને ઇન્સ્ટાગ્રામ પર વીડિયો અપલોડ કર્યો.
આદિત્યના જણાવ્યા મુજબ, કારની બોડી પર આશરે 3,400 કિસના નિશાન બનાવવામાં આવ્યા હતા, અને સમગ્ર પ્રક્રિયામાં લગભગ સાડા ત્રણ કલાકનો સમય લાગ્યો. સોશિયલ મીડિયા પર ટ્રેન્ડ સેટ કરવા અને વીડિયો વાયરલ કરવાના ઉદ્દેશ્યથી આ અનોખો પ્રયોગ કરવામાં આવ્યો હતો. જો કે, પોલીસ કાર્યવાહી બાદ, યુવકે પોતાની ભૂલ સ્વીકારી, કહ્યું કે તેને ખ્યાલ નહોતો કે તે આવી રીલ બનાવીને ટ્રાફિક નિયમોનું ઉલ્લંઘન છે. આદિત્યએ પોલીસને ખાતરી આપી કે તે ભવિષ્યમાં તમામ ટ્રાફિક નિયમોનું પાલન કરશે અને આવી ભૂલનું પુનરાવર્તન નહીં કરે.
3.jpg)
