બંગાળના રાજકારણના અનોખા રંગો જોવા મળી રહ્યા છે. TMCમાં ભાગલા પડ્યા પછી, સાંસદ પતિએ મમતાનો સાથ છોડી દીધો છે, પરંતુ ધારાસભ્ય ભૂતપૂર્વ CM મમતા સાથે રહે છે. તે મમતા બેનર્જીના નામ પર સોગંદ ખાઈ રહી છે. TMCની આ મહિલા નેતાએ કહ્યું, 'જેને હું દુર્ગા કહેતી હતી તેને હું કેવી રીતે છોડી શકું?'
આ વાત છે પશ્ચિમ બંગાળના શક્તિશાળી નેતાઓ સુદીપ બંદોપાધ્યાય (સાંસદ) અને તેમના પત્ની નયના બંદોપાધ્યાય (ધારાસભ્ય)ની.
બંગાળના રાજકારણમાં જાણીતા વ્યક્તિ સુદીપ બંદોપાધ્યાય રવિવારે TMC છોડીને બળવાખોર જૂથમાં જોડાયા અને ત્યાર પછી નેશનલિસ્ટ સિટીઝન્સ પાર્ટી ઓફ ઈન્ડિયા (NCPI)માં જોડાયા. સુદીપ બંદોપાધ્યાય ઉત્તર કોલકાતાના સાંસદ પણ છે.
સુદીપ બંદોપાધ્યાય, 19 અન્ય બળવાખોર સાંસદો સાથે, સ્પીકર ઓમ બિરલાને એક પત્ર લખીને જણાવ્યું હતું કે તેઓ સાંસદ તરીકે NDAને ટેકો આપશે.
સુદીપ બંદોપાધ્યાય પાર્ટી છોડ્યા પછી, તેમની ધારાસભ્ય પત્ની નયના બંદોપાધ્યાયના રાજકીય ભવિષ્ય વિશે ચર્ચાઓ શરૂ થઈ. ઘણા નેતાઓ અને કાર્યકરોએ કહ્યું કે, નયના TMCથી અલગ થઇ જશે.
પરંતુ નયનાએ આ બધી અટકળોને ફગાવી દીધી. તેમણે કહ્યું કે તેઓ મમતા બેનર્જી સાથે જ રહેશે.
નયનાએ કહ્યું કે તેમના પક્ષ છોડવાનો કોઈ પ્રશ્ન જ નથી થતો. તેમણે મમતા બેનર્જીને પોતાના નેતા તરીકે સ્વીકારી લીધા હતા. આ વાત તેમના માટે બિલકુલ સાચી હતી. તેમણે એવો પણ દાવો કર્યો હતો કે, જો મમતા બેનર્જી તેમને છોડી દે તો પણ તેઓ તેમને છોડશે નહીં.
નયના બંદોપાધ્યાયે કહ્યું, 'હું દીદી સાથે ખૂબ જ મક્કમતાથી જોડાયેલી છું. તે મને છોડી શકે છે, પણ હું તેમને છોડીશ નહીં. જેને હું મારી દુર્ગા કહું છું તેને હું કેવી રીતે છોડી શકું? દીદી મને છોડી શકે છે, પણ હું તેમને ક્યારેય છોડીશ નહીં.'
નયના બંદોપાધ્યાયે કહ્યું કે, પાર્ટીના કેટલાક સભ્યોએ તેમના પર હુમલો કર્યો હતો. આ વાતથી તેઓ ચોંકી ગયા. તેમણે કહ્યું, 'પાર્ટીના કેટલાક સાથીદારો દ્વારા કરવામાં આવેલા વ્યક્તિગત હુમલાઓથી મને ખૂબ જ દુઃખ થયું છે. મેં આ અંગે પાર્ટી સુપ્રીમોને પણ ફરિયાદ કરી છે.'
આ બાજુ, સુદીપ બંદોપાધ્યાયે તેમની પત્ની નયના વિશે કહ્યું કે, તેમણે તેમને સમજાવવાનો પ્રયાસ કર્યો, પરંતુ તેમણે પક્ષ બદલ્યો નહીં અને તેઓ TMC સાથે જ રહ્યા. તેમણે પોતાના નિવેદનના સમર્થનમાં એક જ પરિવારના અનેક સભ્યોના ઉદાહરણો પણ આપ્યા જેમણે અલગ અલગ પક્ષોમાં રાજનીતિ કરી છે.
3.jpg)
