3 રૂપિયા કિલોના ભાવે વેચાય રહી છે માલદાની કેરી, ખેડૂતો કેમ ફેંકી રહ્યા છે

કેરીની સિઝન હમણાં જ શરૂ થઈ છે. શરૂઆતથી માલદા કેરીની ખેતી કરતા ખેડૂતોને મોટો આંચકો લાગ્યો છે. પશ્ચિમ બંગાળના માલદામાં આ કેરીની કિંમત 3 રૂપિયા પ્રતિ કિલો થઈ ગઈ છે. ઘટતા ભાવને કારણે કેરીના વેપારીઓ હવે આ કેરીને બગીચામાંથી ખરીદતા ખચકાઈ રહ્યા છે.

માલદાની કેરી હજુ પાકી નથી. જો કે તેની કાચી કેરીમાંથી અથાણું બનાવવામાં આવે છે. આ બજારમાં સારા ભાવે વેચાતા હતા. જોકે પાણીના અભાવે આ કેરીઓ સુકાઈને પડી રહી છે. તેનાથી તેમની ગુણવત્તા પર અસર પડી રહી છે, જેના કારણે બજારમાં માલદા કેરીના ભાવ નીચા આવ્યા છે.

અગાઉ અહીંના બગીચાના માલિકો અને વેપારીઓ માલદાની કાચી કેરીમાંથી પણ યોગ્ય નફો મેળવતા હતા. અથાણું બનાવવા માટે લોકો આ કેરી લગભગ રૂ.50 પ્રતિ કિલોના ભાવે ખરીદતા હતા. જોકે, આ વખતે તેની કિંમત માત્ર 3 રૂપિયા હોવાને કારણે તેમને ભારે નુકસાન થઈ રહ્યું છે.

માલદા જિલ્લામાં આ સમયે આકરી ગરમી પડી રહી છે. ઝાડ પરથી કેરીઓ મોટી સંખ્યામાં ખરી રહી છે. કેરીની ખેતી કરવાને બદલે આજુબાજુના વિસ્તારમાં રહેતા લોકો તેનો લાભ લઈ રહ્યા છે. તે આ બગીચામાંથી કેરી ભેગી કરીને બજારમાં વેચે છે. આમાંથી તે રોજના 100-200 રૂપિયા કમાઈ રહ્યા છે.

માલદા જિલ્લામાં કેરીની વિવિધ જાતોના ભાવમાં ધરખમ ઘટાડો થયો છે અને ખેડૂતોની ફરિયાદ છે કે તેઓ ઉત્પાદન ખર્ચનો એક તૃતીયાંશ પણ વસૂલ કરી શક્યા નથી. ફળોના અચાનક વધુ પડતા સપ્લાય અને પડોશી રાજ્યોમાંથી ખરીદદારોની ગેરહાજરીને કારણે ભાવમાં ઘટાડો થયો છે.

ફેડરેશન ઑફ એક્સપોર્ટર્સ એસોસિએશન ઑફ બંગાળના સંયુક્ત સચિવ સમીર ઘોષે જણાવ્યું હતું કે, 'આ વર્ષે, મોટાભાગના કેરીના ખેડૂતોએ નિપાહ વાયરસની આશંકા હોવાને કારણે તેમની ઉપજ વહેલી લણણી કરી લીધી હતી. બંગાળમાં નિપાહનો એક પણ કેસ નોંધાયો ન હોવા છતાં, ખેડૂતોએ ઉતાવળમાં કામ કર્યું, જેના કારણે બજારમાં વધુ પડતો પુરવઠો થયો. ડરને કારણે પડોશી રાજ્યોમાં સપ્લાયમાં ઘટાડો થયો હતો.'

તેમણે વધુમાં જણાવ્યું કે, 'પરિણામે, કિંમતો નીચે આવી ગઈ છે અને ઘણા ખેડૂતોએ તેમની ઉપજ 2 રૂપિયા પ્રતિ કિલોના ભાવે વેચી દીધી છે.' માલદામાં વર્ષે લગભગ છ થી સાત લાખ મેટ્રિક ટન કેરીનું ઉત્પાદન થાય છે.

માલદા કેરીને ફાઝલી કેરી તરીકે પણ ઓળખવામાં આવે છે, તે કેરીની એક લોકપ્રિય જાત છે જે મુખ્યત્વે ભારતના પશ્ચિમ બંગાળના માલદા જિલ્લામાં ઉગાડવામાં આવે છે. તે જ સમયે, બિહાર, ઉત્તર પ્રદેશ સહિત અન્ય જિલ્લાઓમાં પણ આ જાતની ખેતી શરૂ થઈ ગઈ છે. તે ભારતમાં જોવા મળતી સૌથી મોટી અને સ્વાદિષ્ટ કેરીઓમાંની એક છે. જો આપણે તેના રંગો વિશે વાત કરીએ, તો માલદા કેરીનો રંગ લીલો-પીળો છે અને ઘણી જગ્યાએ તે લાલ પણ છે. કેરીના પલ્પનો રંગ પણ ચળકતો પીળો અને નરમ હોય છે. આ કેરી ખૂબ જ રસદાર અને ફાઇબરલેસ છે. માલદા કેરીનો સ્વાદ મીઠો અને ખાટાં ગુણોથી ભરપૂર હોય છે.

About The Author

Top News

રોંગ સાઈડ પર વાહન ચલાવવાની આદત હોય તો ચેતી જજો, હાઇ કોર્ટે જાણો શું કહ્યું

ઘણા એવા વાહન ચાલકો છે જેમને કાનમાં ફૂંકીને કહીએ કહી તો પણ તેઓ ટ્રાફિકના નિયમોનું ઉલ્લંઘન કરશે, કરશે ને...
Gujarat 
રોંગ સાઈડ પર વાહન ચલાવવાની આદત હોય તો ચેતી જજો, હાઇ કોર્ટે જાણો શું કહ્યું

સુરતની આ બીલ્ડિંગમાં બૂકિંગ કરાવવા ન પહોંચી જતા, રજિસ્ટ્રેશન RERAએ રદ કરી દીધું છે

જે રીતે શેરબજારના નિયમન માટે સેબી કામ કરે છે તેવી જ રીતે રિઅલ એસ્ટેટમાં નિયમન માટે રિયલ એસ્ટેટ રેગ્યુલેટરી ઓથોરિટી...
Business 
સુરતની આ બીલ્ડિંગમાં બૂકિંગ કરાવવા ન પહોંચી જતા, રજિસ્ટ્રેશન RERAએ રદ કરી દીધું છે

શરદ પવારને મોટો ઝટકો, રાઇટ હેન્ડ ભાજપમાં સામેલ થઇ રહ્યા છે

મહારાષ્ટ્રના રાજકારણમાં જબરદસ્ત ગરમાટો આવી ગયો છે. રાજકારણના મોટા ખેલાડી કહેવાતા શરદ પવારના રાઇટ હેન્ડ ગણાતા નેતા ભાજપમાં સામેલ થઇ...
Politics 
શરદ પવારને મોટો ઝટકો, રાઇટ હેન્ડ ભાજપમાં સામેલ થઇ રહ્યા છે

18 વર્ષથી સત્તામાં નીતિશ કુમારે ચૂંટણી આવી એટલે 125 યુનિટ વીજળી મફત આપવાની જાહેરાત કરી દીધી

બિહારના મુખ્યમંત્રી નીતિશ કુમારે ગુરુવારે સવારે રાજ્યના લોકો માટે એક મોટી જાહેરાત કરી છે. નીતિશ કુમારે જાહેરાત કરી છે કે...
National 
18 વર્ષથી સત્તામાં નીતિશ કુમારે ચૂંટણી આવી એટલે 125 યુનિટ વીજળી મફત આપવાની જાહેરાત કરી દીધી
Copyright (c) Khabarchhe All Rights Reserved.