હાલમાં સોશિયલ મીડિયા પર એક વીડિયો વાયરલ થઈ રહ્યો છે, જે લોકોનું ધ્યાન ખેંચી રહ્યો છે. આ વીડિયોમાં એક જાન એકદમ અલગ અંદાજમાં નીકળી રહી છે. તેમાં ન તો કોઈ કાર છે, ન બસ અને ન તો કોઈ મોંઘા સાજ-શણગાર. છતા આ જાન લોકોને ખૂબ પસંદ આવી રહી છે. વાયરલ વીડિયોમાં તમે ગામડા જેવા વાતાવરણમાંથી પસાર થતી જાન જોઈ શકો છો. રંગબેરંગી પોશાક પહેરેલી મહિલાઓ નાચી રહી છે, બાળકો ખુશીથી આમ-તેમ દોડી રહ્યા છે, અને સમગ્ર વાતાવરણ ખૂબ ખુશ દેખાય છે. સૌથી ખાસ વાત એ છે કે કોઈ વાહનોનો ઉપયોગ કરવામાં આવ્યો નથી.
આટલું જ નહીં, કેટલાક લોકો પોતાના માથા પર સામાન (મજાકમાં કરિયાવર કહેવામા આવી રહ્યું છે) ઉઠાવીને જોવા મળે છે, જ્યારે વરરાજાને ખભા પર લઈ જવામાં આવી રહ્યો છે. આ દૃશ્ય જોઈને દરેક આશ્ચર્ય થઈ રહ્યું છે અને ખુશી પણ છે. લોકો પોસ્ટ પર ખૂબ ટિપ્પણીઓ કરી રહ્યા છે અને લગ્નની પણ ખૂબ પ્રશંસા કરવામાં આવી રહી છે.
https://www.instagram.com/reel/DWgYQVFjN4r/?utm_source=ig_web_copy_link&igsh=NTc4MTIwNjQ2YQ==
આજકાલ, લગ્નોમાં લાખો-કરોડોનો ખર્ચ કરવામાં આવે છે. મોટી-મોટી ગાડીઓ, વૈભવી હોટલો, DJ અને ભવ્ય સજાવટ હવે સામાન્ય બની ગયા છે. પરંતુ, આ વીડિયો દર્શાવે છે કે સાચી ખુશી આ વસ્તુઓમાં નથી, પરંતુ લોકો સાથે અને માહોલમાં હોય છે. આ જાનમાં ન તો કોઈ મોંઘી કાર હતી, ન પેટ્રોલ-ડીઝલનો ખર્ચ અને બિલકુલ દેખાડો નહોતો; છતા લોકો દિલ ખોલીને ખુશીઓ મનાવી રહ્યા હતા.
વીડિયોમાં સૌથી મજેદાર વાત એ હતી કે લોકો પોતાના માથા પર સામાન લઈને જઈ રહ્યા હતા, જેને લોકો મજાકમાં ‘કરિયાવર’ કહી રહ્યા છે. તો વરરાજાને કોઈના ખભા પર લઈ જવામાં આવી રહ્યો હતો. આ દૃશ્ય એટલું અનોખું અને મનોરંજક હતું કે લોકો તેને વારંવાર જોઈ રહ્યા છે. તે દર્શાવે છે કે, કોઈ પણ દેખાડા વિના પણ લગ્નને યાદગાર બનાવી શકાય છે.
સોશિયલ મીડિયા પર આ વીડિયો જોયા બાદ, લોકો વિવિધ પ્રકારની પ્રતિક્રિયાઓ આપી રહ્યા છે. ઘણા યુઝર્સે કહ્યું કે, ‘આ જ અસલી લગ્ન છે. ખર્ચ વિના આટલી ખુશી, કમાલ છે. આજના સમયમાં, આવી સાદગી જોઈને સારું લાગ્યું. કેટલાક લોકોએ એમ પણ કહ્યું કે આ પ્રકારના લગ્ન આપણને શીખવે છે કે સાચી ખુશી પૈસાથી નહીં, પણ લોકોની સાથે આવે છે. આ પ્રકારની જાનનો એક ફાયદો એ છે કે તેમાં પ્રદૂષણ હોતું નથી; કારણ કે કોઈ ગાડી નથી તો પેટ્રોલ કે ડીઝલનો વપરાશ ન થયો, જેના પરિણામે ધુમાડો અને અવાજ ઓછો રહ્યો. એટલે કે, આ અભિગમ પર્યાવરણ માટે પણ ફાયદાકારક છે.
આ વીડિયો એક જરૂરી વાતા શીખવે છે કે લગ્નનો સાર દેખાડામાં નહીં, પરંતુ ખુશી અને એકતામાં રહેલો છે. આ અનોખી જાને એ સાબિત કર્યું છે કે જો દિલથી ખુશી મનાવવામાં આવે તો પૈસા ખર્ચ્યા વિના યાદગાર ક્ષણ બનાવી શકાય છે.
