જ્ઞાનવાપી મસ્જિદ પર વારાણસી કોર્ટનો મહત્ત્વનો ચુકાદો, મુસ્લિમ પક્ષે વિરોધ કરેલો

છેલ્લાં લાંબા સમયથી ચાલી રહેલા વિવાદમાં હવે વારાણસી કોર્ટે જ્ઞાનવાપી મસ્જિદના સર્વે માટે જે ચૂકાદો આપ્યો છે તે મહત્ત્વનો છે અને તેનાથી હિંદુઓમાં ખુશી વ્યાપી ગઇ છે.

વારાણસી કોર્ટે  Archaeological Survey of India (ASI) ને જ્ઞાનવાપી મસ્જિદનો સર્વે કરવાની મંજૂરી આપી છે. કોર્ટે વિવાદિત ભાગ સિવાય સમગ્ર પરિસરનો સર્વે કરવાની પરવાનગી આપી છે. કેસની આગામી સુનાવણી 4 ઓગસ્ટના દિવસે નિર્ધારીત કરવામાં આવી છે. કોર્ટે ASIને 4 ઓગસ્ટ સુધીમાં સર્વે રિપોર્ટ રજૂ કરવાનો આદેશ આપ્યો છે.

વારાણસી કોર્ટે ASIને જ્ઞાનવાપી મસ્જિદનો સર્વે કરવાની મંજૂરી આપી છે. કોર્ટે વિવાદિત ભાગ (વજુખાના) સિવાય સમગ્ર પરિસરનો સર્વે કરવાની પરવાનગી આપી છે. મુસ્લિમ પક્ષે સર્વેનો વિરોધ કર્યો હતો, પરંતુ કોર્ટે તમામ દલીલો સાંભળ્યા બાદ સર્વેની મંજૂરી આપી દીધી છે. વારાણસીના જિલ્લા ન્યાયાધીશ અજય કૃષ્ણ વિશ્વેશની કોર્ટે કેસની સુનાવણી દરમિયાન આ આદેશ આપ્યો છે. કેસની આગામી સુનાવણી 4 ઓગસ્ટના રોજ નક્કી કરવામાં આવી છે. કોર્ટે ASIને સર્વે કરીને 4 ઓગસ્ટ સુધીમાં રિપોર્ટ રજૂ કરવા કહ્યું છે.

વારણસીના ચર્ચિત શ્રૃંગાર ગૌરી- જ્ઞાનવાપી કેસમાં મસ્જિદનો સર્વે કરવાની અરજી પરની સુનાવણી 14 જુલાઇએ પુરી થઇ હતી. તે વખતે જિલ્લા ન્યાયાધીશે ચુકાદો અનામત રાખ્યો હતો. 16 મે, 2023 ના રોજ, હિંદુ પક્ષે ચાર અરજદાર મહિલાઓ વતી અરજી સબમિટ કરી હતી, જેમાં માગણી કરવામાં આવી હતી કે જ્ઞાનવાપી મસ્જિદના વિવાદિત ભાગ સિવાયના સમગ્ર સંકુલની ASI દ્વારા તપાસ કરવામાં આવે. આ અરજી પર કોર્ટે ચુકાદો આપતાં મંજૂરી આપી દીધી છે.

હિંદુ પક્ષનું પ્રતિનિધિત્વ કરતા એડવોકેટ વિષ્ણુ શંકર જૈને કહ્યું, મને જાણ કરવામાં આવી છે કે મારી અરજી સ્વીકારવામાં આવી છે અને કોર્ટે ASIને 'વજુ ખાના' ને છોડીને બાકીનો ભાગ સીલ કરી દીધો છે. કોર્ટે જ્ઞાનવાપી મસ્જિદના પરિસરના  ASI સર્વેને મંજૂરી આપી દીધી છે.

12 અને 14 જુલાઈ 2023ના રોજ થયેલી વિસ્તૃત દલીલમાં મુસ્લિમ પક્ષ દ્વારા સખત વાંધો ઉઠાવવામાં આવ્યો હતો. તેમણે કહ્યું હતું કે જો જ્ઞાનવાપી સંકુલનો પુરાતત્વીય સર્વે કરવામાં આવે તો આવી સ્થિતિમાં ખોદકામ વગેરેથી જ્ઞાનવાપી સંકુલને ભારે નુકસાન થઈ શકે છે. તેથી, જ્ઞાનવાપી મસ્જિદના પરિસરનો કોઈ પુરાતત્વીય સર્વે ન કરવામાં આવે. આ સાથે હિન્દુ પક્ષ દ્વારા પુરાવા એકત્ર કરવામાં આવી રહ્યા છે, જે કાયદેસર નથી.

આ જ વિષય પર છેલ્લી સુનાવણી દરમિયાન, હિંદુ પક્ષના વકીલોએ, હાઈકોર્ટ, સુપ્રીમ કોર્ટના કાયદાકીય વર્ણનોને ડિસ્ટ્રિક્ટ કોર્ટ સમક્ષ વિગતવાર રાખતા, જિલ્લા ન્યાયાધીશને વિનંતી કરી હતી કે પુરાતત્વીય સર્વેક્ષણ કરવું જરૂરી છે. જ્ઞાનવાપી સંકુલ,જેના કારણે સનાતની હિંદુઓમાં તનાવપૂર્ણ વાતાવરણ છે. જ્ઞાનવાપી સંકુલમાં મંદિર કયા સમયગાળામાં  કેવી રચના સાથે બાંધવામાં આવ્યું હતું તે જાણવું ખૂબ જ  જરૂરી છે.