ભારતીય ક્રિકેટ ટીમનો સ્ટાર ઓલરાઉન્ડર હાર્દિક પંડ્યા માત્ર મેદાન પર જ નહીં, પરંતુ તેની લાઈફસ્ટાઈલ માટે પણ જાણીતો છે. લક્ઝરી ઘડિયાળોથી લઈને મોંઘી સ્પોર્ટ્સ કાર સુધી, હાર્દિક પંડ્યા પોતાના એવા શોખ માટે જાણીતો છે. તો હાર્દિક ક્યારેક-ક્યારેક મેદાન પર અથવા તેના મેદાન બહારના વર્તનને કારણે લોકોના નિશાના પર રહે છે. જો કે, હાર્દિક પંડ્યા એક દિલદાર વ્યક્તિ પણ છે અને ઘણી વખત આવું જોવા પણ મળ્યું છે. પરંતુ આ વખતે તેણે જે કર્યું તે ખૂબ જ ઓછું જોવા મળે છે. હાર્દિકે મુંબઈના વાનખેડે સ્ટેડિયમ ખાતે ગ્રાઉન્ડ સ્ટાફને એક ખાસ કારણોસર 10-10 લાખ રૂપિયાના ચેકનું વિતરણ કર્યું.
અહેવાલો અનુસાર, IPL 2026 સીઝન શરૂ થાય તે અગાઉ, મુંબઈ ઇન્ડિયન્સના કેપ્ટન હાર્દિક પંડ્યાએ વાનખેડે સ્ટેડિયમમાં કામ કરતા મુંબઈ ક્રિકેટ એસોસિએશનના ગ્રાઉન્ડ સ્ટાફના આશરે 10-11 લોકોને આ ચેકનું વિતરણ કર્યું હતું. જોકે, તમે એમ માનતો હોવ કે IPL દરમિયાન સારી પીચ તૈયાર કરવા માટે આપ્યા છે તો આવું જરાંય નથી. હાર્દિકે જે હૃદયસ્પર્શી કામ કર્યું છે તેની પાછળનું કારણે તેણે થોડા સમય અગાઉ આપેલું વચન છે.
https://twitter.com/KUNGFU_PANDYA_0/status/2037222709663588687?s=20
સૂત્રોના જણાવ્યા અનુસાર, હાર્દિકે ગ્રાઉન્ડ સ્ટાફના સભ્યોને 10-10 લાખ આપ્યા કારણ કે તેણે થોડા સમય અગાઉ ભારતીય ઓલરાઉન્ડરની મદદ કરી હતી. અહેવાલમાં જણાવવામાં આવ્યું છે કે, T20 વર્લ્ડ કપ 2026 પહેલા, હાર્દિક વાનખેડે સ્ટેડિયમમાં જ તૈયારી કરી રહ્યો અને આ દરમિયાન ઘણીવાર તે મોડી રાત સુધી પ્રેક્ટિસ કરતો હતો, જેના કારણે ગ્રાઉન્ડ સ્ટાફને વધારે સમય સુધી રોકાવું પડતું હતું. પરંતુ તેમણે હાર્દિકની તૈયારીઓમાં કોઈ કસર છોડી નહોતી.
તે સમયે પંડ્યાએ વચન આપ્યું હતું કે, જ્યારે પાછો અહીં આવશે તો તેમને ઇનામ આપશે. મુંબઈ ઈન્ડિયન્સનો કેપ્ટન આ વચન ભૂલ્યો નહીં અને આ વચન પૂરું પણ કર્યું. મુંબઈ ઈન્ડિયન્સના એક પ્રેક્ટિસ સત્ર બાદ એ તમામ સભ્યોને 10-10 લાખ રૂપિયા આપ્યા જેમણે પ્રેક્ટિસ દરમિયાન મદદ કરી હતી. આ બધાએ હાર્દિક સાથે એક તસવીર પણ ખેંચાવી હતી, જે હવે સોશિયલ મીડિયા પર વાયરલ થઇ રહી છે, અને દરેક વ્યક્તિ મુંબઈના કેપ્ટનના વખાણ કરી રહ્યા છે.
