પડોશી દેશ ચીનની એક કોર્ટે બે કિશોરોના માતાપિતાને બે કેટરિંગ કંપનીઓને 2.2 મિલિયન યુઆન (2.71 કરોડ રૂપિયા)નો દંડ ચૂકવવાનો આદેશ આપ્યો છે. હકીકતમાં, બે 17 વર્ષીય ચાઇનીઝ કિશોરો, જેમની અટક વુ અને તાંગ છે, પ્રખ્યાત હાંડિલાઓ હોટપોટ રેસ્ટોરન્ટમાં પ્રવેશ્યા, ત્યાં ઉકળતા સૂપમાં પેશાબ કર્યો અને તેનો વીડિયો બનાવ્યો અને તેને વાયરલ કરી દીધો હતો.
આ ઘટના આ વર્ષે 24 ફેબ્રુઆરીના રોજ બની હતી, જ્યારે નશામાં ધૂત, વુ અને તાંગ હાંડિલાઓ હોટપોટ રેસ્ટોરન્ટમાં પ્રવેશ્યા, એક ટમ્બલર પર ચઢી ગયા અને પરંપરાગત ચાઇનીઝ હોટપોટ શૈલીમાં માંસ અને શાકભાજી રાંધવા માટે વપરાતા સૂપમાં જાણી જોઈને પેશાબ કરી દીધો અને તેને ખરાબ કરી નાખ્યો. જોકે, તેમના આ કૃત્યોનો વીડિયો સોશિયલ મીડિયા પર વાયરલ થયો ત્યાં સુધી કોઈને આ હરકતની જાણ સુધ્ધાં ન થઇ.
વીડિયો પછી, રેસ્ટોરન્ટને આશરે 4,000 ગ્રાહકોને નોંધપાત્ર વળતર ચૂકવવાની ફરજ પડી હતી. વળતરમાં બિલની સંપૂર્ણ રકમના દસ ગણો દંડ પણ શામેલ હતો, રેસ્ટોરન્ટે આ બનાવની વિરુદ્ધ કોર્ટમાં કેસ દાખલ કર્યો હતો, અને જેમાં બધા વાસણોનો નાશ કરવાનો અને તેને બદલવાનો ખર્ચ અને સંપૂર્ણ સફાઈ અને જીવાણુ નાશકક્રિયાનો ખર્ચ સહીત ગ્રાહકોને આપેલા કુલ વળતરના ખર્ચ સહીત આશરે 23 મિલિયન યુઆનનું વળતર માંગવામાં આવ્યું હતું.
https://twitter.com/manyapan/status/1897623078240125149
મીડિયા સૂત્રોના અહેવાલ મુજબ, શાંઘાઈની એક કોર્ટે ચુકાદો આપ્યો હતો કે, કિશોરોએ તેમના અનાદરપૂર્ણ કાર્યો, ટેબલવેરને દૂષિત કરીને અને જાહેર જનતાને અસુવિધા પહોંચાડીને કંપનીની પ્રતિષ્ઠાને નુકસાન પહોંચાડ્યું હતું. કોર્ટે એમ પણ કહ્યું હતું કે, કિશોરોના માતાપિતા તેમને યોગ્ય રીતે શિક્ષિત કરવામાં નિષ્ફળ ગયા હતા અને તેમની વાલીપણાની ફરજો પૂર્ણ કરવામાં નાકામ સાબિત થયા છે. કોર્ટે 2.2 મિલિયન યુઆનનો દંડ પણ ફટકાર્યો હતો.
અહીં તમને બતાવી દઈએ કે, સિચુઆન પ્રાંતના ઝિયાનયાંગમાં તેની પ્રથમ રેસ્ટોરન્ટ પછી હાંડિલાઓ હોટપોટએ ઝડપથી વિસ્તરણ કર્યું છે. તે હવે વિશ્વભરમાં 1,000થી વધુ સ્થળોએ કાર્યરત છે. આ રેસ્ટોરન્ટની તમે શાખાઓ તેની અસાધારણ ગ્રાહક સેવા અને કુટુંબ-મૈત્રીપૂર્ણ વાતાવરણ માટે પ્રખ્યાત છે, જે મહિલાઓ માટે મફત મેનીક્યોર અને ટેબલ પર રાહ જોતી વખતે બાળકો માટે કેન્ડી ફ્લોસ જેવી અનોખી સુવિધાઓ આપે છે.
