યુનાઈટેડ સ્ટેટ્સ અને ઈરાન વચ્ચેના 107 દિવસના ભયંકર યુદ્ધનો અંત આખરે ઐતિહાસિક શાંતિ કરાર સાથે થયો છે. 28 ફેબ્રુઆરીથી શરૂ થયેલા આ યુદ્ધમાં ઈરાને લશ્કરી, આર્થિક અને વ્યૂહાત્મક મોરચે ઘણી મોટી કિંમત ચૂકવી હતી. તેમના ઘણા મોટા લશ્કરી થાણામાં ખુબ નુકસાન થયું હતું, ટોચના નેતૃત્વ કરતા નેતાઓ ઘાયલ થયા હતા અને દેશની અર્થવ્યવસ્થા પર ખુબ દબાણ વધી ગયું હતું. આમ છતાં, ઈરાને અમેરિકા સાથેના નવા કરારથી 7 મુખ્ય ફાયદા મેળવ્યા છે, જેને તે એક મોટી રાજદ્વારી જીત તરીકે જુએ છે.
ઈરાનને આ સંઘર્ષના શરૂઆતના દિવસોમાં સૌથી મોટો વ્યૂહાત્મક આંચકો લાગ્યો હતો. અમેરિકન અને ઇઝરાયલી હુમલાઓમાં તેના સર્વોચ્ચ નેતા, ખામેની અને ઘણા ટોચના લશ્કરી કમાન્ડરોના જીવ ગયા હતા, તેમજ દેશની ઘણી મુખ્ય પરમાણુ કેન્દ્રોને ઘણું મોટું નુકસાન થયું હતું. જોકે, યુનાઈટેડ સ્ટેટ્સને પણ અબજો ડૉલરના શસ્ત્રોનો નાશ અને ભારે આર્થિક મંદીનો સામનો કરવો પડ્યો હતો. ઈરાને હોર્મુઝ સ્ટ્રેટને નાકાબંધી કરી હતી, જેના કારણે વૈશ્વિક તેલ પુરવઠો ખોરવાઈ ગયો હતો અને વૈશ્વિક બજારમાં મોંઘવારીના દબાણમાં ખુબ મોટો વધારો થયો હતો.
આટલી મોટી વિનાશ અને તેના ટોચના નેતાઓને ગુમાવવા છતાં, ઈરાન રાજદ્વારી વાટાઘાટો દ્વારા યુનાઇટેડ સ્ટેટ્સ પાસેથી 7 મોટી છૂટ મેળવવામાં સફળ રહ્યું.
મુખ્ય વાટાઘાટો શરૂ થાય તે પહેલાં, યુનાઇટેડ સ્ટેટ્સ તાત્કાલિક ઇરાનના જપ્ત કરેલા 24 અરબ ડૉલરના સ્થિર ભંડોળમાંથી અડધો ભાગ તાત્કાલિક મુક્ત કરશે.
US નેવી આગામી 30 દિવસમાં ઇરાનના દરિયાઈ માર્ગો પરની નાકાબંધી સંપૂર્ણપણે હટાવી લેશે.
ઇરાની તેલ અને પેટ્રોકેમિકલ ઉત્પાદનોના વેચાણ પરના તમામ આંતરરાષ્ટ્રીય પ્રતિબંધો ટૂંક સમયમાં સ્થગિત કરવામાં આવશે.
યુનાઇટેડ સ્ટેટ્સ અને તેના સાથીઓ ઇરાનના પુનર્નિર્માણ માટે ઓછામાં ઓછા 300 અરબ ડૉલરનું ભંડોળ પૂરું પાડશે.
વૈશ્વિક વેપાર માટે મહત્વપૂર્ણ હોર્મુઝ સ્ટ્રેટ, ફક્ત ઇરાની સુરક્ષા નિયંત્રણ હેઠળ જ ફરી ખુલશે.
યુનાઇટેડ સ્ટેટ્સે લેખિત પ્રતિબદ્ધતા આપી છે કે, તે આ ક્ષેત્રમાં તેની લશ્કરી હાજરીને વધુ વિસ્તૃત કરશે નહીં, ન તો તે ઇરાન પર કોઈ નવા પ્રતિબંધો લાદશે.
US સરકારે સંપૂર્ણ ગેરંટી આપી છે કે, તે ભવિષ્યમાં ઇરાનના આંતરિક અને રાજકીય બાબતોમાં કોઈપણ રીતે દખલ કરશે નહીં.
8.jpg)
