ભારતીય સાથે લગ્ન કર્યા પછી અમેરિકન મહિલાને સાંભળવી પડે છે વાંધાજનક ટિપ્પણીઓ

ભારતમાં રહેતી એક અમેરિકન મહિલાએ હવે એક વીડિયો શેર કર્યો છે, જેમાં તેણે ભારતીય પુરુષ સાથે લગ્ન કર્યા પછી તેને આવતી મુશ્કેલીઓ વિશે જણાવ્યું છે. આ મહિલા છેલ્લા 19 વર્ષથી ભારતમાં રહે છે. વીડિયોમાં, મહિલાએ તેવી વાહિયાત વાતોનો ઉલ્લેખ કર્યો છે કે જે વિદેશીઓ ભારતીય સાથે લગ્ન કરતી વખતે સાંભળવી પડે છે. તેને જે પડકારોનો સામનો કર્યો હતો તે અંગેનો તેનો પ્રામાણિક અભિપ્રાય સોશિયલ મીડિયા પર વાયરલ થયો છે.

વાયરલ થઈ રહેલા વીડિયોમાં, જેસિકાએ ભારતીયો સાથે લગ્ન કરવા અંગે વિદેશીઓ દ્વારા કરવામાં આવતી જાતિવાદી ટિપ્પણીઓ વિશે વાત કરી હતી. ભારતીયો સાથે લગ્ન કરવા વિશે ટ્રોલ્સની વાહિયાત વાતો શીર્ષકવાળી આ ઇન્સ્ટાગ્રામ પોસ્ટ અત્યાર સુધીમાં 2,29,000થી વધુ વખત જોવામાં આવી છે.

વિડિઓમાં વાયરલ થઈ રહેલી મહિલાનું નામ જેસિકા કુમાર છે, અને તેણે સ્પષ્ટપણે કહ્યું છે કે, ભારત આવીને લગ્ન કર્યા પછી, લોકોની વિચારસરણી અને ટ્રોલિંગથી તેને પરેશાન કરી દીધી હતી. તેણે ઇન્સ્ટાગ્રામ પર 'ભારતીયો સાથે લગ્ન કરનારા વિદેશીઓ પર ટ્રોલર્સની વાહિયાત ટિપ્પણીઓ' શીર્ષક સાથે એક વીડિયો પોસ્ટ કર્યો છે. આ વીડિયો અત્યાર સુધીમાં 2.29 લાખથી વધુ વખત જોવામાં આવ્યો છે.

https://www.instagram.com/p/DLpIVTBJrkz/

તેને શું શું સાંભળવું પડ્યું? : જેસિકાએ કહ્યું કે લોકો તેને વિવિધ જાતિવાદી અને વ્યક્તિગત ટિપ્પણીઓ કરે છે. જેમ કે, 'તમારા પતિએ ગ્રીન કાર્ડ માટે તમારી સાથે લગ્ન કર્યા હશે.' 'તમે ભારત આવીને તમારું જીવન બરબાદ કરી દીધું.' 'તે ખૂબ જ ખરાબ થયું છે કે તમારા બાળકો તમારા જેવા સુંદર નથી.' 'તમે કાળા પુરુષ સાથે લગ્ન કરી લીધા?'

મહિલાએ કહ્યું કે તેને દરરોજ જાતિવાદ અને તેના ગોરા રંગને કારણે વિચિત્ર માનસિકતા ધરાવતા લોકોનો સામનો કરવો પડે છે. લોકો આ વિડિઓ પર ઘણી પ્રતિક્રિયા આપી રહ્યા છે. એક યુઝરે લખ્યું, 'મને પણ એ જ વાત સાંભળવી પડી રહી છે કે, મારા પતિએ ફક્ત OCI કાર્ડ માટે મારી સાથે લગ્ન કર્યા હતા.' બીજાએ કહ્યું, 'ટિપ્પણીઓ એટલી વિચિત્ર છે કે, ક્યારેક તો તેના પર મને હસવું આવે છે, અને ક્યારેક ગુસ્સો.' એક યુઝરે લખ્યું, 'લોકોને બીજાના જીવનમાં જરૂર કરતાં વધુ દખલ કરવાની આદત છે.'

https://www.instagram.com/reel/DMLcRGwS-ul/

જેસિકાના લગ્ન એક બિહારી પુરુષ સાથે થયા છે. ઘણીવાર તેના વીડિયોમાં, પોતે તે સમયને યાદ કરે છે જ્યારે તે પહેલીવાર ભારત આવી હતી અને ખરેખર ક્યારેય પાછી ન ફરી શકી. તેણે 3 જુલાઈ, 2010ના રોજ યુટ્યુબ પર તેના લગ્ન દિવસનો એક વિડિઓ શેર કર્યો હતો.

વિડિયોનું શીર્ષક છે, 'ઇન્ડિયન અમેરિકન વેડિંગ. એનિવર્સરી એડિશન. 11 વર્ષ પછી. બિહારી અને અમેરિકન વેડિંગ શિકાગો.' હાલમાં તે હવે તેના પતિ, બાળકો અને સાસરિયાઓ સાથે દિલ્હીમાં રહે છે.