1999માં અટલ બિહારી વાજપેયીના નેતૃત્વમાં NDA સરકાર માત્ર એક વોટથી પડી ગઈ હતી. લોકસભામાં એક વોટથી આ સરકાર અવિશ્વાસ પ્રસ્તાવ હારી ગઈ હતી. તેને લઇને, લગભગ બે દાયકા બાદ, NCPના ચીફ શરદ પવારે ખુલાસો કર્યો છે કે NDAનો એ વોટ તેમને મળ્યો હતો.
NCP ચીફ પવારે ગુરુવારે (21 ફેબ્રુઆરી, 2025)ના રોજ દિલ્હીમાં મહારાષ્ટ્ર સદનમાં નિલેશ કુમાર કુલકર્ણીના મરાઠી પુસ્તક 'સંસદ ભવન તે ધ સેન્ટ્રલ વિસ્ટા'ના વિમોચનના અવસર પર આ ખુલાસો કર્યો હતો. તેમણે 1999ની ઘટના બાબતે વાત કરી, જ્યારે તેઓ વાજપેયી સરકાર દરમિયાન વિપક્ષના નેતા હતા.
શું બોલ્યા શરદ પવાર?
ભૂતકાળની ઘટનાને યાદ કરતા તેમણે કહ્યું કે, હું એ સમયે સંસદમાં વિપક્ષનો નેતા હતો. જ્યારે અમે વિપક્ષમાં હતા, ત્યારે તેમની વિરુદ્વ અવિશ્વાસનો પ્રસ્તાવ લાવવામાં આવ્યો હતો. આ પ્રસ્તાવ એક વોટથી પાસ થયો હતો. હવે હું તમને બતાવી રહ્યો છું કે મેં તે વોટ કેવી રીતે હાંસલ કર્યો. અવિશ્વાસ પ્રસ્તાવ પ્રસ્તાવ આવ્યા બાદ એક બ્રેક હતો. આ દરમિયાન હું બહાર ગયો અને કોઈ સાથે વાત કરી અને પાછો આવી ગયો. સરકાર એક વોટથી પડી ગઇ કારણ કે વ્યક્તિએ કંઇક અલગ નિર્ણય કરી લીધો હતો, પરંતુ હું એ નહીં બતાવું કે મેં કોની સાથે વાત કરી અને કેવી રીતે કરી.
જ્યારે એક વોટના કારણે પડી ગઇ હતી NDA સરકાર
17 એપ્રિલ 1999ના રોજ તત્કાલિન વડાપ્રધાન અટલ બિહારી વાજપેયીએ લોકસભામાં પોતાની સરકારની બહુમતી સાબિત કરવાની હતી, પરંતુ તે દિવસે વાજપેયી સરકારને 269 વોટ મળ્યા હતા, જ્યારે શાસક સરકાર વિરુદ્ધ 270 વોટ પડ્યા હતા. જેને કારણે તત્કાલિન વડાપ્રધાન વાજપેયીએ રાજીનામું આપવું પડ્યું હતું અને તેમની સરકાર પડી હતી.
આ સિવાય પવારે શિવસેનાના સંસ્થાપક બાળાસાહેબ ઠાકરે સાથે વિતાવેલા જૂના દિવસોને યાદ કર્યા. તેમણે કહ્યું કે, બાળ ઠાકરે તેમને શરદ બાબૂ કહેતા હતા. બધા ગયા બાદ, બાળાસાહેબ ઠાકરે મારી સાથે સૌહાર્દપૂર્ણ વાત કરતા હતા અને મને શરદ બાબૂ કહીને બોલાવતા હતા. ફોન પર તેઓ કહેતા હતા શરદ બાબૂ, હું તમને મળવા આવું કે તમે આવી રહ્યો છો?
રાહુલ ગાંધીના નિવેદનો જ કોંગ્રેસ પક્ષને હરાવે ડૂબાડે છે 
