વૃંદાવનના બાંકે બિહારી મંદિરમાં ફરી એકવાર રિંગ સેરેમની અને વરમાળાની ઘટના સામે આવી છે. આ સગાઈનો એક વીડિયો સોશિયલ મીડિયા પ્લેટફોર્મ પર ઝડપથી વાયરલ થઈ રહ્યો છે. વીડિયોમાં, એક યુવક અને યુવતી મંદિરના VIP પરિસરમાં ઉભા રહીને વીંટીઓની પહેરાવતા અને એક-બીજાને માળા પહેરાવતા જોવા મળે છે.
એવું કહેવાય છે કે બંને સોશિયલ મીડિયા એનફ્લૂએન્સર છે, જેમને મંદિર પરિસરમાં જ તેમની સિંગ સેરેમની કરી હતી. આશ્ચર્યજનક વાત એ છે કે જ્યાં એક તરફ મંદિરમાં ભક્તોની ભારે ભીડ રહે છે, ત્યારે બીજી તરફ VIP વ્યવસ્થા વચ્ચે આવા આયોજનને મંજૂરી આપવાથી ગંભીર પ્રશ્નો ઉભા થઈ રહ્યા છે. ઘણા ભક્તોએ તેને ધાર્મિક મર્યાદા વિરુદ્ધ ગણાવ્યું હતું.
https://www.instagram.com/reel/DWbQe9GE0qd/?utm_source=ig_web_copy_link
વીડિયોમાં એક ગોસ્વામી (મંદિરનો પૂજારી) પણ જોવા મળે છે, જે યુવક-યુવતીને આશીર્વાદ આપતા દેખાય છે. જોકે, જ્યારે તેમને આ ઘટના વિશે પૂછવામાં આવ્યું ત્યારે તેમણે સ્પષ્ટપણે આ ઘટનામાં કોઈ સંડોવણી હોવાનો ઇનકાર કર્યો હતો. તેમના મતે તેઓ ફક્ત ઘટનાસ્થળે હાજર હતા; જ્યારે યુવક અને યુવતીએ તેમના આશીર્વાદ લીધા, ત્યારે તેમણે પરંપરા અનુસાર તેમને આશીર્વાદ આપ્યા.
સમગ્ર ઘટના પર ટિપ્પણી કરતા મંદિરની હાઇ-પાવરવાળી સમિતિના સભ્ય દિનેશ ગોસ્વામીએ જણાવ્યું હતું કે મંદિર પરિસરમાં બનતી આવી ઘટનાઓ પર સમિતિની આગામી બેઠક દરમિયાન ચર્ચા કરવામાં આવશે અને યોગ્ય કાર્યવાહી કરવા પર વિચાર કરવામાં આવશે આવશે.
ઉલ્લેખનીય છે કે અગાઉ પણ બાંકે બિહારી મંદિરમાંથી આવા જ વીડિયો સામે આવ્યા છે, જેના કારણે આવી પ્રવૃત્તિઓને રોકવાની વાત કહેવામાં આવી હતી. છતા આવી ઘટનાના પુનરાવર્તનથી ફરી એકવાર મંદિરના વહીવટી સંચાલન અને પ્રવર્તમાન VIP કલ્ચર અંગે ગંભીર પ્રશ્નો ઉભા થયા છે. મંદિરમાં ભીડભાડ, અવ્યવસ્થા અને વિવાદોની ઘટનાઓનો સામે આવતી રહી છે. એવામાં આ તાજેતરની ઘટનાએ ફરી એકવાર મંદિરના સંચાલન અને દેખરેખની વ્યવસ્થાને લઈને બહેસ છેડી દીધી છે.
27.jpg)
