'ગદર-2'ની ધમાલ, સનીની ફિલ્મ 400 કરોડ પાર, આ રેકોર્ડ્સ તૂટ્યા

2023માં પઠાણ ફિલ્મથી શરૂ થયેલી બોક્સ ઓફિસ સફળતાનો સિલસિલો 'ગદર-2'એ ચાલુ રાખ્યો છે. બોલિવુડમાં ફરી સારા દિવસો આવી ગયા છે. હિંદી સિનેમાના ફેન્સની ખુશી સાતમા આશમાને છે. ઓગસ્ટમાં બોલિવુડે ડંકો વગાડ્યો છે. જેમાં સની દેઓલની ફિલ્મ 'ગદર-2' પહેલા નંબરે છે. જેણે તોફાની કમાણી કરી છે.

22 વર્ષ પછી બોક્સ ઓફિસ પર ફરી આવીને તારા સિંહે 'ગદર-2'માં ખરા અર્થમાં ગદર મચાવી. અનિલ શર્માના ડિરેક્શનમાં બનેલી 'ગદર-2'એ ઈતિહાસ રચ્યો છે. ફિલ્મે 12 દિવસમાં 400.70 કરોડનું કલેક્શન કર્યું છે. સની દેઓલની 'ગદર-2' પહેલી ફિલ્મ છે જેણે 400 કરોડની કમાણી કરી છે.

તરણ આદર્શ અનુસાર, સનીની ફિલ્મે મંગળવારે 12.10 કરોડની કમાણી કરી છએ. 'ગદર-2'એ ભારતમાં 400.70 કરોડનું કલેક્શન કર્યું છે. બીજા મંગળવારે ફિલ્મની કમાણીમાં નજીવો ઘટાડો જોવા મળ્યો છે. તેમ છતાં ફિલ્મે ધમાલ મચાવી છે. ચાલુ દિવસોમાં પણ 'ગદર-2'ની પકડ મજબૂત રહી છે.

પઠાણને આપી રહી છે ટક્કર 'ગદર-2'

'ગદર-2' પહેલા શાહરૂખ ખાનની પઠાણે સૌથી ઝડપથી 400 કરોડની કમાણી કરી હતી. આ લિસ્ટમાં આવનાર પહેલી હિંદી ફિલ્મ હતી. હવે 'ગદર-2'એ પઠાણના રેકોર્ડની બરાબરી કરી લીધી છે. બંને ફિલ્મોએ 12 દિવસમાં 400 કરોડની કમાણી કરી છે. તો બાહુબલી-2 હિંદીએ 14 દિવસમાં 400 કરોડ ક્લબમાં એન્ટ્રી મારી હતી. કેજીએફ-2એ 23 દિવસમાં 400 કરોડ ક્લબમાં પ્રવેશ કરેલો. તો 'ગદર-2'એ વર્લ્ડ વાઈડ 500 કરોડની કમાણી કરી લીધી છે.

ભારતમાં ખાસ કરીને નાના શહેરોમાં 'ગદર-2'નો ક્રેઝ છે. સનીની ફિલ્મ શાહરૂખની પઠાણને ટક્કર આપી રહી છે. જે સ્પીડે 'ગદર-2' કમાણી કરી રહી છે તેને જોતા હજુ ઘણા રેકોર્ડ્સ તૂટી શકે છે.

400 NOT OUT… #Gadar2 begins its momentous journey to ₹ 500 cr Club… Is a ONE-HORSE RACE in mass pockets / #Hindi heartland, which is adding to its big, fat total… [Week 2] Fri 20.50 cr, Sat 31.07 cr, Sun 38.90 cr, Mon 13.50 cr, Tue 12.10 cr. Total: ₹ 400.70 cr. #India biz.… pic.twitter.com/WjpwG7LzNH

— taran adarsh (@taran_adarsh) August 23, 2023

‘GADAR 2’ TO CHALLENGE ‘BAAHUBALI 2’, ‘PATHAAN’…#Gadar2 continues to surprise and shock the naysayers… Has crossed ₹ 400 cr and I am confident, it will cross ₹ 500 cr as well and challenge #Baahubali2 #Hindi and #Pathaan, both in #India.#Gadar2 benchmarks…
Crossed ₹ 50… pic.twitter.com/nJ8rCxB6EZ

— taran adarsh (@taran_adarsh) August 23, 2023

હાલમાં 'ગદર-2'ના કલાકારો ફિલ્મના પ્રમોશનમાં વ્યસ્ત છે. લોકો સિનેમાઘરોમાં હિંદુસ્તાન ઝિંદાબાદના નારા લગાવી રહ્યા છે. લોકોનો આ રીતને પ્રેમ જોઇ અભિનેતા સની દેઓલ પણ આશ્ચર્યમાં છે. સનીએ એક ઈન્ટરવ્યૂમાં કહ્યું હતું કે, તેને પોતે ખબર નહોતી કે તેને આજની તારીખમાં પણ લોકો આટલો પ્રેમ કરે છે. 'ગદર-2' સુપરહીટ ફિલ્મ સાબિત થઇ છે. મેકર્સ તેની સફળતાને પોતાની કરવામાં લાગ્યા છે. રોજ ફિલ્મની સિક્વલને લઇ ખબરો આવતી રહે છે. જોકે સનીએ હજુ કોઇ નવા પ્રોજેક્ટ સાઇન કર્યા નથી.