‘લગાન’ અને ‘સ્વદેશ’માં પોતાની એક્ટિંગથી ચર્ચામાં આવેલા દયા શંકર પાંડેએ તાજેતરમાં એક મોટો ખુલાસો કર્યો છે. તેણે આમિર ખાન સાથે જોડાયેલી એક ઘટના શેર કરી હતી. તેણે કહ્યું કે, આમિરે સ્ટ્રગલના દિવસોમાં તેને એક ફિલ્મમાંથી કઢાવી મૂક્યો હતો. પાંડેના જણાવ્યા અનુસાર, એ સમયે તે આર્થિક સંકટમાંથી પસાર થઈ રહ્યો હતો. એવામાં, આમિરના આ નિર્ણયે તેને દયાશંકર પાંડેની નજરમાં વિલન બનાવી દીધો. ચાલો જાણીએ શું છે આખો મામલો.
આમિર અને દયાશંકર પાંડેએ ‘લગાન’ અને ‘ગુલામ’ જેવી ફિલ્મોમાં સાથે કામ કર્યું છે. બંને વર્ષ 1995માં આવેલી ફિલ્મ ‘અકેલે હમ અકેલે તુમ’માં પણ સાથે જોવા મળવાના હતા, પરંતુ આમિરે તેને એમ કહીને ફિલ્મમાંથી કઢાવી મૂક્યો તે આ ભૂમિકા માટે ઓવરક્વાલિફાઇડ છે. ફ્રાઈડે ટોકીઝ નામની યુટ્યુબ ચેનલ સાથે થયેલી વાતચીતમાં તેણે કહ્યું કે, ‘મારી પાસે કોઈ કામ નહોતું. હું આર્થિક સંકટમાંથી પસાર થઈ રહ્યો હતો. મારા પરિવારે પણ મને સમર્થન આપવાનો ઇનકાર કરી દીધો હતો અને મેં વિચારી લીધું હતું કે, હવે હું પોતે જ પૈસા કમાઈશ. મેં ફિલ્મ ‘અકેલે હમ અકેલે તુમ’ના આસિસ્ટન્ટ ડિરેક્ટરને કહ્યું કે, મને કોઈ પણ નાની-મોટી ભૂમિકા આપી દો. તેમણે મને તે ફિલ્મમાં 12 દિવસનું કામ અપાવ્યું અને મને દરરોજ 2000 રૂપિયા મળવા લાગ્યા!’
તેમના જણાવ્યા અનુસાર આમિરે અને તેમણે અગાઉ ‘બાઝી’ ફિલ્મમાં સાથે કામ કર્યું હતું. એટલા આમિરને ખબર હતી. તે જાણતો હતો કે આ એક સારો એક્ટર છે. જોકે, આ ભૂમિકાને કારણે, તે સેટ પર આમિરની નજરોમાં આવતો બચી રહ્યો હતો. પરંતુ એક દિવસ આમિરે તેને જોઈ લીધો અને પૂછ્યું કે તે સેટ પર શું કરી રહ્યો છે. દયાશંકરે જણાવ્યું કે તે આ ફિલ્મમાં જુનિયર આર્ટિસ્ટના રૂપમાં જોડાયો છે. આ સાંભળીને આમિરે ફિલ્મના ડિરેક્ટર મન્સૂર ખાન અને આસિસ્ટન્ટ ડિરેક્ટરને કહ્યું કે દયાશંકરના ટેલેન્ટને આ રીતે બર્બાદ ન કરો. તે ખૂબ જ સારો એક્ટર છે. પાંડે કહે છે કે તે સમયે તેને આમિરની પ્રશંસા જોઈતી નહોતી. તે માત્ર પોતાના પૈસા લઈને ઘરે જવા માગતો હતો. તેમના જણાવ્યા અનુસાર, ‘અંદરથી ન મને આમિર ખાન વિલેન લાગી રહ્યો હતો. મેં કહ્યું- ઓકે. મને પેકઅપ કરી દીધો.
જોકે, આમિરે તેને ‘અકેલે હમ અકેલે તુમ’માં જૂનિયર આર્ટિસ્ટ તરીકે કામ ન કરવા દીધો, પરંતુ બાદમાં તેણે તેની ભરપાઈ જરૂર કરી દીધી. પાંડે કહે છે કે આમિરે તેને ‘લગાન’માં પણ પોતાની સાથે કાસ્ટ કર્યો. એટલું જ નહીં, તેણે 'ગુલામ'માં પણ એક મહત્ત્વપૂર્ણ ભૂમિકાની ઓફર પણ કરી હતી. આ ફિલ્મોમાં કામ કર્યા બાદ, તેની પાસે કામની કોઈ કમી નહોતી. આજે તે ફિલ્મો સાથે-સાથે ટીવીમાં પણ ખૂબ એક્ટિવ છે. તેણે ‘લગાન’ અને ‘ગુલામ’ સિવાય, ‘વેલકમ ટૂ સજ્જનપુર’, ‘મકડી’ અને ‘ગંગાજલ’ જેવી ફિલ્મોમાં પણ કામ કર્યું. સાથે જ ચર્ચિત ટીવી સીરિયલ ‘તારક મહેતા કા ઉલ્ટા ચશ્મા’માં ઈન્સ્પેક્ટર ચાલૂ પાંડેની ભૂમિકામાં પણ જોવા મળે છે.
5.jpg)
