‘જવાન’ના નામે મોટો રેકોર્ડ! દુનિયાના સૌથી મોટા પડદા પર દેખાડવામાં આવશે

‘જવાન’નું ટ્રેલર ક્યારે આવશે. આ સવાલ છેલ્લા કેટલાક દિવસોથી સતત શાહરુખ ખાનના ફેન પેજિસમાં ફરી રહ્યા છે. પહેલા બતાવવામાં આવી રહ્યું હતું કે, 24 કે 25 ઑગસ્ટ સુધી મેકર્સ ટ્રેલર રીલિઝ કરી દેશે, પરંતુ આ તારીખો આવીને જતી પણ રહી, પણ ‘જવાન’નું ટ્રેલર આવ્યું નથી. ઉપરથી ફિલ્મની રીલિઝમાં માત્ર 2 અઠવાડિયા બાકી છે. 25 ઑગસ્ટે રેડ ચિલિઝ એન્ટરટેનમેન્ટે ટીઝ કર્યું કે જલદી જ ‘જવાન’ના ટ્રેલરનું અનાઉન્સમેન્ટ કરવામાં આવશે. ‘જવાન’ ટ્રેલર આવવામાં અત્યારે સમય છે.

જો કે, આ દરમિયાન ફિલ્મે પોતાના નામે એક નવો રેકોર્ડ કરી લીધો છે. ‘જવાન’ એ પહેલી ભારતીય ફિલ્મ બનવા જઇ રહી છે, જેને દુનિયાના સૌથી મોટા સ્ક્રીન પર દેખાડવામાં આવશે. જર્મનીમાં એક શહેર છે, લિયોનબર્ગ નામનું. ત્યાં Traumplatast નામનું સિનેમઘર છે. તેનો દાવો છે કે, તેમની IMAX સ્ક્રીન દુનિયાની સૌથી મોટી છે. લંબાઈમાં તે 72 ફૂટ છે અને પહોળાઈમાં લગભગ 125 ફૂટ છે. આ સામાન્ય સ્ક્રીનની તુલનામાં ખૂબ મોટી છે.

આ સિનેમાઘરના નિર્માણનું કામ વર્ષ 2020માં શરૂ થયું હતું. વર્ષ 2022માં જઈને પૂરું થયું. ફંક્શનલ થઈ ગયા બાદ ગિનીઝ વર્લ્ડ રેકોર્ડ્સવાળા સાથે સંપર્ક કરવામાં આવ્યો. તેમણે આ સિનેમાગૃહનું નામ દુનિયાના સૌથી મોટા પર્મનેન્ટ હોલમાં સામેલ કરી લીધું. હવે આ સિનેમાગૃહના સૌથી મોટા પડદા પર ‘જવાન’ પ્રદર્શિત કરવામાં આવશે. વિદેશમાં શાહરુખ ખાનની ખૂબ પોપ્યુલારિટી છે. આ ન્યૂઝનો ફાયદો ફિલ્મને જર્મનીમાં પણ મળશે અને ભારતમાં પણ માહોલ ગરમ જ હશે.

વિદેશોમાં ‘જવાન’ની એડવાન્સ બુકિંગ શરૂ થઈ ચૂકી છે. ટ્રેડ રિપોર્ટ્સમાં કહેવામાં આવી રહ્યું છે કે અમેરિકામાં ફિલ્મ જોરદાર ઓપનિંગ સાથે ખુલશે. ભારતમાં ટિકિટ બારી ક્યારે ખુલશે તેને લઈને મેકર્સે અત્યાર સુધી કઇ જણાવ્યું નથી. આશા છે કે સોમવાર એટલે કે 28 ઑગસ્ટના રોજ ભારતમાં એડવાન્સ બુકિંગવાળી બારી ખૂલી શકે છે. અત્યાર સુધી મેકર્સે પ્રિવ્યૂ અને સોંગ રીલિઝ કરવા માટે સોમવારનો જ દિવસ પસંદ કર્યો છે. એવામાં આગામી સોમવારે પણ કોઈ મોટા ન્યૂઝ આવી શકે છે.

બાકી બતાવવામાં આવી રહ્યું છે કે, 30 ઑગસ્ટના રોજ ‘જવાન’ની ટીમ ચેન્નાઈમાં એક મોટી ઇવેન્ટ થવાની છે. એ દરમિયાન ફિલ્મનું મ્યૂઝિક લોન્ચ કરવામાં આવશે. ફિલ્મ માટે અનિરુદ્ધ રવિચંદરે મ્યૂઝિક આપ્યું છે. તેઓ ડિરેક્ટર એટલી સાથે અગાઉ પણ કામ કરી ચૂક્યા છે. જો કે, હિન્દી સિનેમામાં ‘જવાન’ તેમની પહેલી ફિલ્મ છે. શાહરુખ ખાન, નયનતારા, વિજય સેતુપતિ અને દીપિકા પાદુકોણ અભિનીત ‘જવાન’ 07 સપ્ટેમ્બર 2023ના રોજ રીલિઝ થવા જઇ રહી છે.