ભાજપના નવા બોસ નીતિન નબીન પાસે કેટલી સંપત્તિ છે? પત્ની કંપનીમાં છે ડિરેક્ટર

બિહારના રાજકારણમાંથી ઉભરેલા નીતિન નબીન ભાજપના રાષ્ટ્રીય અધ્યક્ષ બની ગયા છે. તેમણે મંગળવારે પદ સંભાળ્યું. બિહાર સરકારમાં ભૂતપૂર્વ મંત્રી નિતિન નબીન પટનાના બાંકીપુરથી 5 વખત ધારાસભ્ય છે. બિહાર વિધાનસભાની ચૂંટણી દરમિયાન, તેમણે ચૂંટણી દરમિયાન તેમણે ચૂંટણી પંચને સુપરત કરેલા સોગંદનામામાં પોતાની સંપત્તિની વિગતો શેર કરી હતી, જે મુજબ, 12મા ધોરણ સુધી અભ્યાસ કરનારા નીતિન નબીનની કુલ સંપત્તિ 3 કરોડ રૂપિયાથી વધુ છે.

બિહારના રાજકારણમાં નીતિન નબીન એક મોટું નામ છે અને 2006ની પેટાચૂંટણી જીત્યા બાદ, તેઓ સતત 2010, 2015, 2020 અને 2025ની વિધાનસભા ચૂંટણીઓમાં જીત નોંધાવી છે. તેમના ચૂંટણી સોગંદનામા મુજબ, તેમની કુલ સંપત્તિ 3.06 કરોડ રૂપિયા છે, જ્યારે તેમના પર 56 લાખ રુપિયાનું દેવું છે. સોગંદનામા મુજબ, તેમના અને તેમના પરિવાર પાસે કુલ 60 હજાર રૂપિયા રોકડ હતી, જ્યારે પતિ-પત્નીના અલગ-અલગ બેંક ખાતાઓમાં 98 લાખ રૂપિયાથી વધુ વધુ રકમ છે.

ભાજપના રાષ્ટ્રીય અધ્યક્ષ નીતિન નબીને શેરબજારથી દૂરી બનાવી રાખી છે, પરંતુ તેમની પત્નીના પોર્ટફોલિયોને જોઈએ તો તેમણે મિડ-કેપ અને મલ્ટી-કેપ ફંડમાં 6 લાખથી વધુ રકમનું રોકાણ કર્યું છે. વીમા પોલિસીની વાત કરીએ તો, નીતિન નબીન પાસે પણ 3 LIC અને HDFC પોલિસી છે, જ્યારે તેમની પત્ની પાસે LIC અને SBI લાઇફ ઇન્શ્યોરન્સ પોલિસી છે. આ ઉપરાંત, MyNeta.com પરના સોગંદનામામાં જણાવાયું છે કે ભાજપના રાષ્ટ્રીય અધ્યક્ષની પત્ની નવીરા એન્ટરપ્રાઇઝિસના ડિરેક્ટર પણ છે.

ચૂંટણી સોગંદનામા પર નજર નાખીએ તો તેમના નામે એક સ્કોર્પિયો અને એક ઇનોવા ક્રિસ્ટા નોંધાયેલ છે. આ ઉપરાંત પતિ-પત્ની અને બાળકો પાસે લગભ 11 લાખ રૂપિયાના સોના અને ચાંદીના દાગીના છે. આ હિસાબે, નબીન નીતિન નબીન પાસે કુલ સ્થાવર સંપત્તિ 92.71 લાખ રૂપિયાની, જ્યારે પત્ની અને બાળકો પાસે 68 લાખથી વધુની સ્થાવર સંપત્તિ હતી.

ભાજપના નવા બોસ પાસે સ્થાવર સંપત્તિની વાત કરીએ તો, તેમની પાસે ન તો ખેતીની જમીન છે, ન તો કોઈ કોમર્શિયલ બિલ્ડિંગ કે ઘર છે. જોકે, તેમની પત્નીના નામ પર કરોડો રૂપિયાની સ્થાવર સંપત્તિ ધરાવે છે. તેમાં 28 લાખની અંદાજિત ખેતીની જમીન અને પટનામાં 1.18 કરોડ રૂપિયાનું ઘર શામેલ છે.