ગુજરાતમાં સ્થાનિક સ્વરાજ્યની ચૂંટણીનું બ્યૂગલ ફૂંકાવા સાથે જ રાજકીય ગરમાવો જોવા મળી રહ્યો છે. પાર્ટીઓ પોત પોતાના ઉમેદવારોની જાહેરાત કરવા સાથે સાથે જ પ્રચાર પ્રસાર અભિયાનમાં લાગી ગયા છે. ચૂંટણીનાં માહોલ વચ્ચે આરોપ-પ્રત્યારોપનો દૌર પણ શરૂ થઈ જાય છે, પરંતુ આ વખતે ચૂંટણીનાં માહોલ વચ્ચે અમદાવાદમાં એક કોંગ્રેસ નેતા તસનીમ આલમ તીરમીઝી અને તેમના પુત્રની ધરપકડ થઈ હોવાના સમાચાર મળી રહ્યા છે.
તસનીમ આલમ તીરમીઝી અમદાવાદના બહેરામપુરા વોર્ડના પૂર્વ કાઉન્સિલર છે. ન્યૂઝ18 ગુજરાતીના અહેવાલ મુજબ, અમદાવાદ બહેરામપુરા વોર્ડના પૂર્વ કાઉન્સિલર તસનીમ આલમ તીરમીઝી સહિત તેમના પુત્રની એક જૂના કેસમાં ધરપકડ કરવામાં આવી છે. આરોપ છે કે, તસનીમ આલમ તીરમીઝીએ ખેડા-નડિયાદના કપડવંજમાં જમીન ખરીદી માટે પોતાને બોગસ ખેડૂત તરીકે દર્શાવ્યા હતા. કપડવંજના પુનાદરા ગામમાં ખેડૂત બનવા માટે તેમને ખોટું પેઢીનામું બનાવ્યું હતું. જે મામલે પનાદરા ગામના તલાટી મંત્રીએ પોલીસ ફરિયાદ દાખલ કરવામાં આવી હતી. જેથી આ કેસમાં તેમની અત્યારે ધરપકડ થઈ છે.
જમીન ખરીદી અને બોગસ ખેડૂત બાબતે અમદાવાદના બહેરામપુરા વોર્ડના પૂર્વ કાઉન્સિલર તસનીમ આલમ તીરમીઝી સાથે તેમના પુત્રની પણ ધરપકડ કરાઈ છે. પનાદરા ગામના તલાટી મંત્રીની ફરિયાદ બાદ કપડવંજ પોલીસે ગઈકાલે મોડીરાત્રે આ બંને પિતા-પુત્રની કરી છે. ત્યારે ચૂંટણી પહેલા જ કોંગ્રેસના કાઉન્સિલરો ધરપકડ થતા અનેક તર્ક વિતર્ક ઉભા થયા છે.
પૂર્વ કાઉન્સિલર તસનીમ આલમ તીરમીઝી ચૂંટણી માટે બહેરામપુરા વોર્ડમાં કોંગ્રેસમાંથી પ્રબળ દાવેદાર ગયાન છે. ચૂંટણી અગાઉ તેમની ધરપકડ થતા ઉભા થયા વિવિધ પ્રકારના તર્ક-વિતર્ક કરવામાં આવી રહ્યા છે. સાથે જ આ મામલે રાજકિય હિલચાલ શરૂ થઈ છે.
હાલ સ્થાનિક સ્વરાજની ચૂંટણીના માહોલ ચાલી રહ્યો છે, ત્યારે આ અમદાવાદ મહાનગરપાલિકાની ચૂંટણીમાં પૂર્વ કાઉન્સિલર તસનીમ આલમ તીરમીઝી બહેરામપુરા વોર્ડમાં કોંગ્રેસના પ્રબળ દાવેદાર હતા. ત્યારે ચૂંટણી પહેલા તેમની ધરપકડ થતા કોંગ્રેસ આ મામલે વિપક્ષ પર આક્ષેપ કરી છે, જેથી આ મુદ્દે હાલ રાજકારણમાં પણ ગરમાવો જોવા મળી રહ્યો છે.
32.jpg)
27.jpg)
