ઉત્તર પ્રદેશના મોદીનગરમાં એક પત્નીની ક્રૂરતાએ માનવતાને શરમસાર કરી દીધી છે. સંજયપુરીનો રહેવાસી 26 વર્ષીય વિપિન ક્યારેય બોલી નહીં શકે. પરસ્પર ઝઘડા દરમિયાન પત્ની ઈશાએ દાંતથી વિપિનની જીભ કાપીને શરીરથી અલગ કરી દીધી હતી. ડૉક્ટરો વિપિનની જીભ ફરીથી જોડવામાં નિષ્ફળ રહ્યા, અને હવે તેનો અવાજ કાયમ માટે છીનવાઈ ગયો છે, એટલે કે ગમે તેટલા પ્રયત્નો કરી લો, પરંતુ વિપિન ક્યારેય બોલી નહીં શકે.
વિપિનના ઘરનું દૃશ્ય હૃદયદ્રાવક છે. વિપિન તેના પલંગ પર પીડાથી કણસતો રહ્યો છે. પરિવારે તેની કપાયેલી જીભના ટુકડાને કપડામાં લપેટીને ફ્રીજમાં રાખ્યો છે. વિપિનના ભાઈ સનીનું કહેવું છે કે તેણે આ ટુકડો સાચવી રાખ્યો હતો જેથી તે ભવિષ્યમાં તેની પત્ની વિરુદ્ધ પોલીસ કે કોર્ટ સમક્ષ નક્કર પુરાવા રજૂ કરી શકાય.
વિપિનના પરિવાર અને મિત્રોએ ઈશાના ચારિત્ર્ય અને તેના દ્વારા અપતા માનસિક ત્રાસને લઇને ચોંકાવનારા ખુલાસા કર્યા છે. વિપિનના મિત્ર બોબીના જણાવ્યા મુજબ, ઈશા તેમના લગ્નના પહેલા દિવસથી જ તેને સ્પર્શ પણ કરવા દેતી નહોતી. તે ઘણીવાર અપમાનજનક શબ્દો (નામર્દ) કહીને દુર્વ્યવહાર કરતી હતી.
પીડિત વિપિન વેલ્ડિંગ ફેક્ટરીમાં 17000-18000 રૂપિયાની મજૂરી કરતો હતો, જ્યારે ઈશા દારૂ, સિગારેટ અને મોંઘા રેસ્ટોરાંમાં પાર્ટીઓની શોખીન હતી. તે પોતાના બોયફ્રેન્ડ સાથે ફરવા માટે વિપિન પાસે પૈસા માંગતી હતી અને 400 રૂપિયાની કોફી પીવા જેવા ભારે શોખ ધરાવતી હતી. વિપિનના રૂમમાં કબાટમાંથી સિગારેટના ટુકડા અને ગર્ભપાતની ગોળીઓ મળી છે, જેના કારણે પરિવારે દાવો કર્યો હતો કે ઈશા ક્યારેય માતા બનવા માંગતી નહોતી અને સંબંધનો અંત લાવવા માંગતી હતી.
વિપિનના પિતા રામુતરે જણાવ્યું હતું કે તેણે બેન્કમાંથી 10 લાખ રૂપિયાની લોન લઈને લગ્ન કરાવ્યા હતા. લગ્ન સમયે, પંડિતે ચેતવણી આપી હતી કે તેમની ગુણ મળી રહ્યા નથી, પરંતુ એક વચેટિયાના દબાણમાં આવીને તેણે લગ્ન કરાવી દીધા. હવે તેનો પુત્ર અપંગ થઇ ચૂક્યો છે, અને છોકરીનો પરિવાર દહેજનો ખોટો કેસ દાખલ કરવાની ચીમકી આપી રહ્યો છે.
મેરઠની સુભારતી હૉસ્પિટલના ડૉક્ટરોએ સ્પષ્ટ કરી દીધું છે કે વિપિનની જીભની રક્તવાહિનીઓ સંપૂર્ણપણે કપાઇ ચૂકી છે. ટાંકા લગાવીને તો ઘા ભરી દેવામાં આવશે, પરંતુ પ્લાસ્ટિક સર્જરી છતા, વિપિન પહેલાની જેમ ફરી ક્યારેય બોલી નહીં શકે.
વિપિનની માતા ગીતાની ફરિયાદ બાદ, મોદીનગર પોલીસે આરોપી પત્ની ઈશા વિરુદ્ધ FIR નોંધી અને 20 જાન્યુઆરીએ તેની ધરપકડ કરીને જેલમાં મોકલી દેવામાં આવી હતી. પોલીસ આ મામલાની વધું તપાસ કરી રહી છે.
9.jpg)
